Methi Pakodi Recipe: సాయంత్రం స్నాక్ మెంతి పకోడీ.. ఇలా చేస్తే రుచి బాగుంటుంది

Methi Pakoda recipe:బియ్యం పిండి మరియు మెంతి ఆకులను ఉపయోగించి చేసే ఈ పకోడీని చాలా త్వరగా చేసేయవచ్చు. ఈ సీజన్ లో మెంతి కూర చాలా విరివిగా లభ్యం అవుతుంది. మెంతి కూర లేకపోతే డ్రై మెంతి అంటే కసూరి మేతిని కూడా వాడవచ్చు. దీని తయారికి కావలసిన పదార్ధాలు మరియు తయారి విధానం గురించి వివరంగా తెలుసుకుందాం.

కావలసిన పదార్ధాలు
½ కప్పు మెంతి ఆకులు
¾ కప్ శనగపిండి
3 టేబుల్ స్పూన్లు బియ్యం పిండి
1 టేబుల్ స్పూన్ అల్లం సన్నగా తరిగినది
2 పచ్చిమిర్చి
½ ఉల్లిపాయ సన్నగా తరిగినది
1 టేబుల్ స్పూన్ పుల్లని పెరుగు
1 చిటికెడు వంట సోడా
½ టీస్పూన్ కారం
1 టీస్పూన్ వాము
ఉప్పు
డీప్ ఫ్రై చేయడానికి నూనె

తయారి విధానం
మిక్సింగ్ గిన్నెలో మెంతి ఆకులు,శనగపిండి,బియ్యం పిండి,అల్లం తురుము,పచ్చిమిర్చి ముక్కలు,ఉల్లిపాయ ముక్కలు, పుల్లని పెరుగు,వంట సోడా,కర్మ, వాము, ఉప్పు వేసి అన్ని బాగా కలిసేలా కలపాలి. అవసరం మేరకు నీటిని పోస్తూ కలపాలి.

డీప్ ఫ్రైకి సరిపడా నూనెను కడాయిలో వేడి చేయండి మరియు అది వేడిగా ఉన్నప్పుడు, ఒక చిన్న చెంచాతో లేదా చేతులతో, ఒక టేబుల్ స్పూన్ మొత్తంలో పిండిని నూనెలో వేయండి.కడాయిలో నూనె మొత్తాన్ని బట్టి మీరు ఒకేసారి ఎక్కువగా పకోదిలను వేయవచ్చు. బంగారు రంగు వచ్చేవరకు మీడియం మంట మీద రెండు వైపులా వేగించాలి. ఆ తర్వాత టిష్యు పేపర్ లో వేసి.. వేడి వేడిగా సర్వ్ చేయాలి.

కొన్ని సూచనలు
పెరుగును కలపటం వల్ల బంగారు రంగు పకోడీ వస్తుంది. అంతేక్కుండా మెంతి ఆకుల చేదు తగ్గుతుంది.. పెరుగు పుల్లగా లేకుంటే రెండు స్పూన్ల పెరుగు వరకు కలపవచ్చు. పిండిలో ఒక టేబుల్ స్పూన్ వేడి నూనెను కలపవచ్చు. అప్పుడు పకోడీలు మరింత క్రిస్పీగా ఉంటాయి.
వంట సోడాను తప్పనిసరిగా కలపాలి. ఎందుకంటే పకోడీ బాగా కుక్ అవుతుంది.

ఈ చలికాలంలో ఇలా వేడి వేడిగా పకోడీలను తింటే చాలా బాగుంటుంది. మీరు ఒకసారి ట్రై చేయండి.

మరిన్ని చిట్కాల కోసం కింద లింక్ ని Copy చేసి చూడండి.
https://shorturl.at/ftM6u