Hair Care Tips:బంగాళదుంపతో ఇలా చేస్తే జుట్టు రాలకుండా ఒత్తుగా పెరుగుతుంది

Hair fall tips:ప్రతి ఒక్కరు జుట్టు అందంగా పొడవుగా ఉండాలని కోరుకుంటారు. అందుకే జుట్టు మీద ప్రత్యేక శ్రద్ధ తీసుకుంటారు. అయితే దుమ్ము, కాలుష్యం కారణంగా జుట్టు పొడిగా నిజ్జీవంగా మారిపోతుంది. అలాగే జుట్టు రాలే సమస్య, తెల్ల జుట్టు సమస్య వంటి వాటిని ఎక్కువగా ఎదుర్కొంటూ ఉంటారు. ఈ సమస్యలకు మార్కెట్లో ఎన్నో రకాల ఉత్పత్తులు అందుబాటులో ఉన్నాయి.

కానీ వాటి కారణంగా కొన్ని సైడ్ ఎఫెక్ట్స్ వచ్చే అవకాశం ఉంది. కాబట్టి మనం ఇంటి చిట్కాలతో చాలా సులభంగా సమస్య నుంచి బయటపడవచ్చు. ముఖ్యంగా మన వంటల్లో ఎక్కువగా వాడే బంగాళదుంపలు ఉపయోగించి జుట్టు రాలే సమస్యను తెల్లజుట్టు సమస్యకు చెక్ పెట్టవచ్చు. బంగాళాదుంప అంటే చిన్నపిల్లల నుంచి పెద్దవారి వరకు చాలా ఇష్టం. దీనిలో బ్యూటీ ప్రయోజనాలు కూడా చాలా ఉన్నాయి.

బంగాళదుంప రసం జుట్టుకు అద్భుతంగా పనిచేస్తుంది. బంగాళదుంపలో విటమిన్ ఏ, బి, సి, యాంటీ ఆక్సిడెంట్ సమృద్ధిగా ఉండటం వలన జుట్టు పెరుగుదలను ప్రోత్సహిస్తుంది. జుట్టు కుదుళ్ళు బలంగా ఉండేలా చేస్తుంది. జుట్టుకు సహజసిద్ధమైన మెరుపును అందిస్తుంది. జుట్టు ఆరోగ్యంగా పెరగటానికి చాలా బాగా సహాయపడుతుంది.

ముందుగా బంగాళదుంప తొక్క తీయకుండా చిన్ని చిన్ని ముక్కలుగా కట్ చేసి జ్యూస్ తయారు చేసుకోవాలి. ఒక బౌల్లో రెండు స్పూన్ల బంగాళదుంప రసం, ఒక స్పూన్ కలబంద జెల్ వేసి బాగా కలిపి జుట్టు కుదుళ్ళ నుండి చివర్ల వరకు పట్టించి గంట అయ్యాక తేలికపటి షాంపూతో తల స్నానం చేయాలి. ఈ విధంగా వారంలో రెండు సార్లు చేస్తూ ఉంటే జుట్టు రాలే సమస్య తొలగిపోతుంది.

ఒక బౌల్లో రెండు స్పూన్ల బంగాళదుంప రసం, ఒక స్పూన్ కొబ్బరి నూనె వేసి బాగా కలిపి జుట్టు మూలల నుంచి చివర్ల వరకు బాగా పట్టించి ఒక గంట అలా వదిలేయాలి. ఆ తర్వాత తేలికపాటి షాంపూతో తల స్నానం చేయాలి. ఈ విధంగా వారంలో రెండు సార్లు చేస్తూ ఉంటే జుట్టు రాలే సమస్య తొలగిపోతుంది. అలాగే జుట్టు కుదుళ్ళు బలంగా మారి జుట్టు రాలకుండా ఒత్తుగా పొడవుగా పెరుగుతుంది. అలాగే జుట్టు కాంతివంతంగా మెరుస్తుంది. కాబట్టి ఈ చిట్కాలు ట్రై చేయొచ్చు.

ఒక బౌల్లో ఒక స్పూను నిమ్మరసం, రెండు స్పూన్ల బంగాళదుంప రసం, ఒక స్పూన్ పెరుగు వేసి బాగా కలపాలి. ఈ మిశ్రమాన్ని జుట్టు కుదుళ్ల నుండి చివర్ల వరకు పట్టించి ఒక గంట అయ్యాక తల స్నానం చేయాలి. ఈ విధంగా వారంలో రెండుసార్లు చేస్తూ ఉంటే జుట్టుకు కొత్త జీవం వస్తుంది. చుండ్రు సమస్య కూడా తొలగిపోయి జుట్టు మృదువుగా ఉంటుంది. కాబట్టి బంగాళదుంపతో ఇప్పుడు చెప్పిన ఈ చిట్కాలను ఫాలో అయితే జుట్టు రాలే సమస్య, చుండ్రు సమస్య,తెల్లజుట్టు సమస్య ఇలా అన్ని సమస్యలకు చెక్ పెట్టవచ్చు.

గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.

మరిన్ని చిట్కాల కోసం కింద లింక్ ని Copy చేసి చూడండి.
https://shorturl.at/ftM6u

Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x

Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ