Mushroom Manchuria:మష్రూమ్ మంచూరియా ఇంట్లోనే ఇలా ఈజీగా టేస్టీగా తయారు చేసుకోండి
Mushroom Manchuria:మష్రూమ్ మంచూరియా ఇంట్లోనే ఇలా ఈజీగా టేస్టీగా తయారు చేసుకోండి..మష్రూమ్ మంచూరియన్ పుట్టగొడుగులను ఇష్టపడేవారికి అద్భుతమైన వంటకం. ఇది ప్రొటీన్లు సమృద్ధిగా కలిగి ఉండటం వల్ల పిల్లలకు అనువైన ఆహారం. ఇంట్లో సులభంగా మష్రూమ్ మంచూరియన్ తయారు చేసే విధానాన్ని తెలుసుకుందాం.
కావలసిన పదార్థాలు:
– మొక్కజొన్న పిండి – 4 టేబుల్ స్పూన్లు
– మైదా పిండి – 2 టేబుల్ స్పూన్లు
– తాజా పుట్టగొడుగులు – 250 గ్రాములు
– అల్లం పేస్ట్ – 1/2 టీస్పూన్
– వెల్లుల్లి పేస్ట్ – 1/2 టీస్పూన్
– సోయా సాస్ – 1/2 టీస్పూన్
– ఉప్పు – రుచికి తగినంత
– నీరు – 4 టేబుల్ స్పూన్లు
– నూనె – డీప్ ఫ్రైకి సరిపడా
– పచ్చిమిర్చి – 1, సన్నగా తరిగినది
– ఉల్లిపాయ – 1, సన్నని ముక్కలుగా కట్ చేసినది
– ఉల్లిపొరలు – 1 టేబుల్ స్పూన్
– చిల్లీ సాస్ – 1/2 టేబుల్ స్పూన్
– టొమాటో కెచప్ – 2 టేబుల్ స్పూన్లు
తయారీ విధానం:
పుట్టగొడుగులను శుభ్రంగా కడిగి, కిచెన్ టవల్తో తుడిచి ముక్కలుగా కట్ చేయండి. ఒక గిన్నెలో మొక్కజొన్నల పిండి, మైదా, అల్లం-వెల్లుల్లి పేస్ట్, సోయా సాస్, ఉప్పు వేసి, నీరు కలుపుతూ మీడియం మందంగా పిండిని తయారు చేయండి.ఈ పిండిలో పుట్టగొడుగు ముక్కలను కలిపి పక్కన పెట్టండి.
ఒక పాన్లో డీప్ ఫ్రైకి సరిపడా నూనె పోసి, మీడియం మంటపై వేడి చేయండి. పుట్టగొడుగు ముక్కలను నూనెలో వేసి బంగారు రంగు వచ్చే వరకు వేయించి తీసి పక్కన ఉంచండి.వేరే పాన్లో 2 టేబుల్ స్పూన్ల నూనె వేసి, సన్నని మంటపై వేడి చేయండి. అల్లం, వెల్లుల్లి, పచ్చిమిర్చి, ఉల్లిపాయ ముక్కలు వేసి వేగనివ్వండి.
ఇప్పుడు సోయా సాస్, టొమాటో కెచప్, చిల్లీ సాస్, ఉప్పు వేసి, వేయించిన పుట్టగొడుగులను కలపండి. 2 నిమిషాల పాటు మీడియం మంటపై కలుపుతూ ఉడికించండి.అంతే! రుచికరమైన మష్రూమ్ మంచూరియన్ సిద్ధం. సాయంత్రం సమయంలో వేడి వేడిగా తింటే రుచి అదిరిపోతుంది. ,అరి ఇక ఆలస్యం ఎందుకు ట్రై చేయండి..
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ