Godhuma rava kichidi :గోధుమ రవ్వతో కిచిడి ఎలా తయారు చేసుకోవాలో తెలుసా.. ఎంత బాగుంటుందో..
Godhuma rava kichidi :గోధుమ రవ్వతో కిచిడి ఎలా తయారు చేసుకోవాలో తెలుసా.. ఎంత బాగుంటుందో.. గోధుమ రవ్వతో కిచిడి చేసుకుంటే ఆరోగ్యానికి ఆరోగ్యం.. అలాగే వేసవిలో అలసట,నీరసం రావు.
కావాల్సిన పదార్థాలు:
– పాలకూర కట్ట – 1
– శనగపప్పు – 1 టేబుల్ స్పూన్
– పెసరపప్పు – 1 టేబుల్ స్పూన్
– కందిపప్పు – 1 టేబుల్ స్పూన్
– ఎర్ర పెసరపప్పు – 1 టేబుల్ స్పూన్
– నెయ్యి – 2 టేబుల్ స్పూన్లు
– గోధుమ రవ్వ – 1/2 కప్పు
– జీలకర్ర – 1 టీస్పూన్
– ఇంగువ – 1/4 టీస్పూన్
– ఉల్లిపాయ – 1 (తరిగినది)
– అల్లం-వెల్లుల్లి పేస్ట్ – 1 టీస్పూన్
– కరివేపాకు – 2 రెమ్మలు
– పచ్చిమిర్చి – 4 (తరిగినవి)
– పచ్చి బఠానీ – 1/2 కప్పు
– క్యారెట్ – 1 (తరిగినది)
– పసుపు – 1/2 టీస్పూన్
– కారం – 1 టీస్పూన్
– ఉప్పు – రుచికి సరిపడా
– ధనియాల పొడి – 1 టీస్పూన్
– జీలకర్ర పొడి – 1/2 టీస్పూన్
– టమోటా – 1 (తరిగినది)
– కొత్తిమీర – కొద్దిగా (తరిగినది)
– నిమ్మరసం – 2 టేబుల్ స్పూన్లు
తయారీ విధానం:
ఒక గిన్నెలో శనగపప్పు, పెసరపప్పు, కందిపప్పు, ఎర్ర పెసరపప్పు (1 టేబుల్ స్పూన్ చొప్పున) వేసి రెండుసార్లు శుభ్రంగా కడిగి, సరిపడా నీటితో 30 నిమిషాలు నానబెట్టండి. పాలకూరను కడిగి, తరిగి పక్కన పెట్టుకోండి.
స్టవ్ ఆన్ చేసి, కుక్కర్లో 1 టేబుల్ స్పూన్ నెయ్యి వేసి కరిగించండి. 1/2 కప్పు గోధుమ రవ్వ వేసి, తక్కువ మంటపై బంగారు రంగు వచ్చే వరకు వేయించి, ఒక ప్లేట్లోకి తీసుకోండి.
అదే కుక్కర్లో మరో టేబుల్ స్పూన్ నెయ్యి వేసి, 1 టీస్పూన్ జీలకర్ర, 1/4 టీస్పూన్ ఇంగువ వేసి వేయించండి. తరిగిన ఉల్లిపాయ వేసి బంగారు రంగు వచ్చే వరకు వేయించండి. 1 టీస్పూన్ అల్లం-వెల్లుల్లి పేస్ట్ వేసి 30 సెకన్లు వేయించండి.
కరివేపాకు, పచ్చిమిర్చి, తరిగిన పాలకూర వేసి తక్కువ మంటపై 2 నిమిషాలు వేయించండి. అరకప్పు పచ్చి బఠానీ, తరిగిన క్యారెట్ వేసి మీడియం మంటపై 3 నిమిషాలు ఆవిరి ఉడికించండి.
నానబెట్టిన పప్పుల నీటిని వడకట్టి, కుక్కర్లో వేసి, 1/2 టీస్పూన్ పసుపు, 1 టీస్పూన్ కారం, ఉప్పు, 1 టీస్పూన్ ధనియాల పొడి, 1/2 టీస్పూన్ జీలకర్ర పొడి వేసి బాగా కలపండి. తరిగిన టమోటా వేసి 1 నిమిషం ఉడికించండి.
గోధుమ రవ్వ కొలిచిన కప్పుతో 6 కప్పుల నీరు పోసి, హై ఫ్లేమ్లో మరిగించండి. మరుగుతున్నప్పుడు వేయించిన గోధుమ రవ్వ వేసి, కుక్కర్ మూత పెట్టి, మీడియం మంటపై 3 విజిల్స్ వచ్చే వరకు ఉడికించి, స్టవ్ ఆఫ్ చేయండి.
కుక్కర్లో ఆవిరి పోయిన తర్వాత, కిచిడీలో కొత్తిమీర, 2 టేబుల్ స్పూన్ల నిమ్మరసం కలిపి వేడిగా సర్వ్ చేయండి.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ