Jonna Upma Recipe। ఆరోగ్యకరమైన జొన్న ఉప్మా.. తినడానికి ఊ అంటారు తప్ప, ఊహూ అనలేరు!
Jonna Upma Recipe। ఆరోగ్యకరమైన జొన్న ఉప్మా.. తినడానికి ఊ అంటారు తప్ప, ఊహూ అనలేరు..జొన్నలతో ఇడ్లీ, కిచిడీ, ఉప్మా వంటివి తరచూ చేస్తుంటారు. అయితే, ఈసారి ఒక కొత్త రుచితో, సింపుల్గా జొన్న ఉప్మాను ట్రై చేయండి. ఈ పుల్లటి, కారంగా ఉండే జొన్న ఉప్మా ఎలా తయారు చేయాలో చూద్దాం!
కావాల్సిన పదార్థాలు:
– జొన్నలు – 1 కప్పు
– శనగలు – 1 టేబుల్ స్పూన్
– నూనె – 2 టేబుల్ స్పూన్లు
– ఆవాలు – ½ టీస్పూన్
– జీలకర్ర – ½ టీస్పూన్
– దంచిన ధనియాలు – 1 టీస్పూన్
– వెల్లుల్లి తరుగు – 1 టేబుల్ స్పూన్
– ఎండుమిర్చి – 2
– పచ్చిమిర్చి – 2
– ఉల్లిపాయ – 1 (సన్నగా తరిగినది)
– పసుపు – ¼ టీస్పూన్
– కరివేపాకు – 2 రెమ్మలు
– ఇంగువ – చిటికెడు
– కారం – ½ టీస్పూన్
– ఉప్పు – రుచికి సరిపడా
– కొత్తిమీర తరుగు – కొద్దిగా
– నిమ్మరసం – కొద్దిగా
తయారీ విధానం:
రాత్రి సమయంలో 1 కప్పు జొన్నలను ఒక గిన్నెలో వేసి, 2-3 సార్లు శుభ్రంగా కడగండి. తగినంత నీళ్లు పోసి, రాత్రంతా నానబెట్టండి. ఉదయం నానిన జొన్నల్లో 1 టేబుల్ స్పూన్ శనగలు వేయండి. (శనగల బదులు అలసందలు, పెసలు లేదా శనగపప్పు కూడా వాడొచ్చు.)
నానిన జొన్నలను మరోసారి కడిగి, ప్రెషర్ కుక్కర్లో వేయండి. 1 కప్పు జొన్నలకు 3 కప్పుల నీళ్లు పోసి, మూత పెట్టండి. మీడియం మంటపై 10 విజిల్స్ వచ్చే వరకు ఉడికించి, స్టవ్ ఆఫ్ చేయండి. ఆవిరి పోయిన తర్వాత, జొన్నలను జాలీలో వడకట్టుకోండి.
ఒక కడాయిలో 2 టేబుల్ స్పూన్ల నూనె వేసి వేడి చేయండి. నూనె వేడయ్యాక, ఆవాలు, జీలకర్ర, దంచిన ధనియాలు వేసి వేగనివ్వండి. అనంతరం వెల్లుల్లి తరుగు వేసి 30 సెకన్లు వేయించండి.
ఎండుమిర్చి, పచ్చిమిర్చి, ఉల్లిపాయ ముక్కలు వేసి, ఉల్లిపాయలు మెత్తబడే వరకు వేగించండి. ఇప్పుడు కరివేపాకు, పసుపు, చిటికెడు ఇంగువ వేసి బాగా కలపండి.
వడకట్టిన జొన్నలను కడాయిలో వేసి, ½ టీస్పూన్ కారం, రుచికి సరిపడా ఉప్పు చల్లి బాగా కలపండి. మూత పెట్టి, మీడియం మంటపై 2 నిమిషాలు ఉడికించండి.
చివరగా, కొత్తిమీర తరుగు, కొద్దిగా నిమ్మరసం పిండి, స్టవ్ ఆఫ్ చేయండి.
అంతే! సింపుల్గా, రుచిగా, ఆరోగ్యకరమైన జొన్న ఉప్మా సిద్ధం! ఈ స్పైసీ, పుల్లటి ఉప్మా రుచి మీకు నచ్చితే, ఒకసారి ట్రై చేసి చూడండి!
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ