Kaju Paneer Masala: దాబా స్టైల్లో కాజు పనీర్ కర్రీని ఇంట్లోనే చేసుకోండి.. తక్కువ సమయంలోనే..
Kaju Paneer Masala: ఇంట్లో ఒకే రకమైన కూరలు తినడంతో పిల్లలు, పెద్దలు కూడా “రోజూ ఇదేనా?” అని విసుగ్గా ఫీలవుతారు. కొత్త రుచుల కోసం రెస్టారెంట్కు వెళ్లడం ఖర్చుతో కూడుకున్నది, అంతేకాదు, రెస్టారెంట్ ఆహారంలో ఉపయోగించే పదార్థాల గురించి రకరకాల వార్తలు కూడా వినిపిస్తున్నాయి.
అందుకే ఇంట్లోనే రెస్టారెంట్ స్టైల్లో వైవిధ్యమైన, రుచికరమైన కూరలు తయారు చేసుకోవడం గొప్ప ఆలోచన. ఈ రోజు తక్కువ సమయంలో రుచిగా కాజు పనీర్ మసాలా కూరను ఎలా తయారు చేయాలో చూద్దాం.
కావాల్సిన పదార్థాలు:
– జీడిపప్పు – 2 కప్పులు
– ఉల్లిపాయలు – 2 (మీడియం సైజ్)
– టమాటాలు – 2
– అల్లం-వెల్లుల్లి పేస్ట్ – 1 టీస్పూన్
– మిరియాల పొడి – చిటికెడు
– ధనియా పొడి – 1 టీస్పూన్
– జీలకర్ర పొడి – ½ టీస్పూన్
– కారం పొడి – 1 టీస్పూన్
– గరం మసాలా – 1 టీస్పూన్
– నెయ్యి – 1 టేబుల్ స్పూన్
– నూనె – 1 టేబుల్ స్పూన్
– ఉప్పు – రుచికి సరిపడా
– కొత్తిమీర – అలంకరణకు
– ఫ్రెష్ క్రీమ్ – 2 టేబుల్ స్పూన్లు
– పనీర్ – 200 గ్రాములు
తయారీ విధానం:
1. స్టవ్ ఆన్ చేసి, ఒక పాన్లో ¼ కప్పు జీడిపప్పు వేసి, తక్కువ మంటపై గోల్డెన్ బ్రౌన్ అయ్యే వరకు వేయించి పక్కన పెట్టుకోండి.
2. పనీర్ను చిన్న ముక్కలుగా కట్ చేసి, వేడి నీటిలో కొద్దిగా ఉప్పు వేసి 10 నిమిషాలు నానబెట్టండి. తర్వాత నీటిని వడకట్టి, పనీర్ ముక్కలను శుభ్రం చేసి పక్కన పెట్టుకోండి.
3. పాన్లో 1 టేబుల్ స్పూన్ నెయ్యి వేసి, నానబెట్టిన పనీర్ ముక్కలను గోల్డెన్ బ్రౌన్ అయ్యే వరకు వేయించి, ఒక ప్లేట్లోకి తీసి పక్కన ఉంచండి.
4. అదే పాన్లో 1 టేబుల్ స్పూన్ నెయ్యి, 1 టేబుల్ స్పూన్ నూనె వేసి, చిన్నగా తరిగిన ఉల్లిపాయ ముక్కలను వేసి గోల్డెన్ బ్రౌన్ అయ్యే వరకు వేయించండి.
5. ఉల్లిపాయలు వేగిన తర్వాత, చిన్నగా తరిగిన టమాటాలు వేసి మెత్తగా అయ్యే వరకు వేయించండి. ఆ తర్వాత అల్లం-వెల్లుల్లి పేస్ట్ వేసి కొద్దిగా వేయించండి.
6. మిరియాల పొడి, ధనియా పొడి, జీలకర్ర పొడి, కారం పొడి, గరం మసాలా, కొద్దిగా ఉప్పు వేసి బాగా కలపండి. మసాలా నూనె పైకి తేలే వరకు వేయించండి.
7. వేయించిన జీడిపప్పును మిక్సీలో మెత్తగా గ్రైండ్ చేసి క్రీమ్లా చేసి, మసాలా మిశ్రమంలో కలపండి. అవసరమైతే కొద్దిగా నీరు జోడించి కలపండి.
8. వేయించిన పనీర్ ముక్కలు, మిగిలిన జీడిపప్పు వేసి, కొద్దిగా ఉడికించండి. నూనె పైకి తేలినప్పుడు, ఫ్రెష్ క్రీమ్, కొద్దిగా గరం మసాలా వేసి కలపండి.
9. చివరగా కొత్తిమీరతో అలంకరించి స్టవ్ ఆఫ్ చేయండి.
అంతే! ధాబా స్టైల్ కాజు పనీర్ మసాలా కూర రెడీ. దీన్ని చపాతీ, నాన్, పరాటా లేదా బిర్యానీతో సర్వ్ చేయండి. ఈ రుచికరమైన కూర తిని అందరూ “ఆహా, ఏమి రుచి!” అంటూ మరిన్ని చపాతీలు అడుగుతారు!
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ