Face Glow Tips:ముఖం అందంగా తెల్లగా మెరిసిపోవాలంటే.. ఇంట్లో ఉండే వీటిని ట్రై చేయండి..
Face Glow Tips:ముఖం అందంగా తెల్లగా మెరిసిపోవాలంటే.. ఇంట్లో ఉండే వీటిని ట్రై చేయండి.. అందంగా కనిపించాలని ప్రతి ఒక్కరూ కోరుకుంటారు. అయితే, మొటిమలు, మచ్చలు లేకుండా ముఖం నిగారింపుగా, అందంగా ఉండాలంటే ఖరీదైన క్రీములు లేకుండా, సులభంగా దొరికే సహజసిద్ధమైన పదార్థాలతో ఫేస్ మాస్క్లు తయారు చేసుకోవడం ఉత్తమం. అలాంటి కొన్ని సహజ ఉత్పత్తులు ఏమిటో చూద్దాం.
కలబంద (అలోవెరా): కలబంద చర్మ సౌందర్యానికి అద్భుతమైనది. ఇందులో ఔషధ గుణాలు పుష్కలంగా ఉంటాయి. కలబంద గుజ్జును మాయిశ్చరైజర్గా ఉపయోగించడం వల్ల చర్మం నిగారింపుగా మారడమే కాకుండా, మొటిమలు, మచ్చలు తగ్గుతాయి. వారంలో రెండుసార్లు కలబంద గుజ్జును ఫేస్ మాస్క్గా వాడితే మంచి ఫలితాలు కనిపిస్తాయి.
పసుపు: పసుపు ప్రతి వంటింట్లో సులభంగా దొరుకుతుంది. ఇది ఆరోగ్యానికే కాక, చర్మ సౌందర్యానికి కూడా ఎంతగానో ఉపయోగపడుతుంది. పసుపు, తేనె, శనగపిండిని కలిపి ఫేస్ మాస్క్ తయారు చేసి ముఖానికి రాస్తే, చర్మం మృదువుగా, నిగారింపుగా తయారవుతుంది.
వేపాకు: వేపాకు చర్మాన్ని బ్యాక్టీరియా నుంచి రక్షిస్తుంది. ఇందులో నింబిడిన్, అజాడిరక్టిన్ వంటి సమ్మేళనాలు ఉంటాయి, ఇవి చర్మానికి ఎంతో మేలు చేస్తాయి. వేపాకులను పేస్ట్గా చేసి ముఖానికి అప్లై చేస్తే, చర్మంలోని జిడ్డు తొలగి, ముఖం అందంగా, నిగారింపుగా కనిపిస్తుంది.
ముల్తానీ మట్టి & అశ్వగంధ: ముల్తానీ మట్టి, అశ్వగంధలు చర్మ సౌందర్యానికి ఎంతో మంచివి. వీటిలో యాంటీ-ఆక్సిడెంట్లు సమృద్ధిగా ఉండటం వల్ల చర్మాన్ని దుమ్ము, కాలుష్యం నుంచి కాపాడతాయి. అశ్వగంధ పొడిని ముల్తానీ మట్టి లేదా తేనెతో కలిపి ఫేస్ మాస్క్గా వాడితే, చర్మం రక్షితమై, మెరుస్తుంది.
చందనం: చందనం చర్మానికి చల్లదనం, సుగంధం అందిస్తూ అందాన్ని పెంచుతుంది. చందన పొడిని ఫేస్ మాస్క్గా ముఖానికి రాసుకుంటే, చర్మం మృదువుగా, నిగారింపుగా మారుతుంది.
ఈ సహజసిద్ధమైన పదార్థాలతో తయారు చేసిన ఫేస్ మాస్క్లను ఉపయోగించడం వల్ల మీ ముఖం సహజంగా అందంగా, నిగారింపుగా కనిపిస్తుంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ