Lemon Rice:కేవలం 5 నిమిషాల్లో నోరూరించే “నిమ్మకాయ పులిహోర” – ఈ ప్రీమిక్స్తో సులభంగా చేసేయండి..
Lemon Rice:కేవలం 5 నిమిషాల్లో నోరూరించే “నిమ్మకాయ పులిహోర” – ఈ ప్రీమిక్స్తో సులభంగా చేసేయండి.. నిమ్మకాయలు పిండి, తాలింపు వండే అవసరం లేకుండా క్షణాల్లో రుచికరమైన పులిహోర తయారు చేసుకోవచ్చు. నిజమే! అయితే, ఇలా సులభంగా పులిహోర చేయాలంటే ముందుగా లెమన్ రైస్ ప్రీమిక్స్ తయారు చేసి దాచుకోవాలి.
ఈ ప్రీమిక్స్తో ఎప్పుడు కావాలంటే అప్పుడు టేస్టీ పులిహోర సిద్ధం! పులిహోర ప్రియులకు ఈ రెసిపీ తప్పక నచ్చుతుంది. సరే, ఆలస్యం చేయకుండా ఈ లెమన్ పులిహోర ప్రీమిక్స్కు కావాల్సిన పదార్థాలు, తయారీ విధానం చూద్దాం.
కావాల్సిన పదార్థాలు:
– పల్లీలు – ½ కప్పు
– నూనె – ½ కప్పు
– శనగపప్పు – 2 టేబుల్స్పూన్లు
– మినప్పప్పు – 2 టేబుల్స్పూన్లు
– ఆవాలు – 1 టేబుల్స్పూన్
– జీలకర్ర – 1 టేబుల్స్పూన్
– పచ్చిమిర్చి – 4
– ఎండుమిర్చి – 3
– అల్లం – చిన్న ముక్క
– కరివేపాకు – 1 గుప్పెడు
– పసుపు – 1 టీస్పూన్
– ఇంగువ – ¼ టీస్పూన్
– ఉప్పు – రుచికి సరిపడా
– నిమ్మరసం – ½ కప్పు
తయారీ విధానం:
1. తాజా అల్లం పొట్టు తీసి సన్నగా ముక్కలుగా కోసుకోవాలి. తాజా నిమ్మకాయల నుంచి రసం పిండి పక్కన పెట్టుకోవాలి.
2. స్టవ్ ఆన్ చేసి కడాయిలో నూనె పోసి వేడి చేయాలి. నూనె వేడయ్యాక పల్లీలు వేసి, మందమైన మంటపై వేయించి ఒక ప్లేట్లోకి తీసి పక్కన ఉంచాలి.
3. అదే నూనెలో ఆవాలు వేసి చిటపటలాడే వరకు వేయాలి. తర్వాత జీలకర్ర, శనగపప్పు, మినప్పప్పు వేసి వేగనివ్వాలి.
4. తాలింపు గింజలు వేగుతుండగా అల్లం ముక్కలు, పచ్చిమిర్చి వేసి కలపాలి.
5. అవి వేగిన తర్వాత ఎండుమిర్చి, కరివేపాకు వేసి కలియబెట్టాలి. కరివేపాకు క్రిస్పీగా వేగాక స్టవ్ ఆఫ్ చేసి, ఇంగువ, పసుపు, ఉప్పు, నిమ్మరసం వేసి బాగా కలపాలి.
6. ఇందులో ముందే వేయించిన పల్లీలు వేసి మళ్లీ కలియబెట్టాలి.
7. ఈ మిశ్రమం పూర్తిగా చల్లారాక, తేమ లేదా గా చొరబడని గా జార్లో నిల్వ చేసి ఫ్రిజ్లో ఉంచాలి. లెమన్ రైస్ ప్రీమిక్స్ సిద్ధం! ఈ ప్రీమిక్స్ సుమారు 4 నెలల పాటు నీలవ ఉంటుంది.
పులిహోర తయారీ:
– పొడిపొడిగా ఉన్న అన్నాన్ని వెడల్పాటి పాత్రలో తీసుకొంచెం చల్లారబెట్టనీ.
– అన్నం గోరువెచ్చగా ఉన్నప్పుడు లెమన్ ప్రీమిక్స్ వేసి సమానంగా కలపాలి.
– 5 నిమిషాలు పక్కన ఉంచి, ఆ తర్వాత సర్వ్ చేసుకోవచ్చి. రుచికరమైన పులిహోర సిద్ధం!
చిట్కాలు:
– నిమ్మకాయలు మరీ పచ్చిగా లేదా మరీ పండినవి కాకుండా, లావుగా, పసుపు రంగులో ఉన్న తాజా కాయలు ఎంచుకోవాలి.
– ఈ కొలతలతో ఎక్కువ మొత్తంలో ప్రీమిక్స్ తయారు చేసి ఫ్రిజ్లో నిల్వ చేయవచ్చు.
– 2 కప్పుల అన్నానికి 3-4 టేబుల్స్పూన్ల లెమన్ ప్రీమిక్స్ సరిపోతుంది.
– తాజాగా వండిన అన్నం లేదా మిగిలిన అన్నంతో కూడా ఈ ప్రీమిక్స్ కలిపితే రుచికరమైన పులిహోర తయారవుతుంది.