Jonna Paratha :కేవలం 10 నిమిషాల్లో “పరోటా”ను ఇలా చేస్తే… అస్సలు వదలరు…

Jonna Paratha : 10 నిమిషాల్లో పరోటాను ఇలా చేస్తే… అస్సలు వదలరు… ఆధునిక జీవనశైలిలో ఆరోగ్యకరమైన ఆహారపు అలవాట్లను అనుసరించడం చాలా ముఖ్యం. నీటి బరువు సమస్య ప్రస్తుతం పెద్ద సవాలుగా మారింది. బరువు తగ్గేందుకు చాలా మంది కఠినమైన వ్యాయామాలు, ఖరీదైన డైట్‌లు వంటి వివిధ మార్గాలను అన్వేషిస్తుంటారు.

అయితే, మన వంటింట్లో సులభంగా లభించే కొన్ని అద్భుతమైన ఆహార పదార్థాలు ఉన్నాయి, వాటిలో జొన్నలు ఒకటి. జొన్న పిండితో తయారు చేసే పరాటా రుచికరమైనదే కాకుండా, ఆరోగ్యానికి ఎంతో మేలు చేస్తుంది.

ఇది బరువు తగ్గడంలో, రక్తంలో చక్కెర స్థాయిలను నియంత్రించడంలో, జీర్ణక్రియను మెరుగుపరచడంలో అద్భుతంగా సహాయపడుతుంది. బ్యాచిలర్స్ కూడా దీనిని సులభంగా తయారు చేసుకోవచ్చు. జొన్న పరాటా తయారీకి కావాల్సిన పదార్థాలు, తయారీ విధానం ఇక్కడ చూడండి.

జొన్న పరాటా తయారీకి కావాల్సిన పదార్థాలు

జొన్న పిండి
గోధుమ పిండి
జీలకర్ర పొడి
ధనియాల పొడి
కారం
పసుపు
పచ్చిమిర్చి
అల్లం-వెల్లుల్లి పేస్ట్
మెంతి ఆకులు లేదా పాలకూర
తెల్ల నువ్వులు

జొన్న పరాటా తయారీ విధానం

ముందుగా ఒక పెద్ద గిన్నె తీసుకుని, దానిపై జల్లెడ పెట్టి, 1 కప్పు జొన్న పిండి, పావు కప్పు గోధుమ పిండిని జల్లించుకోండి.

ఆ పిండి మిశ్రమంలో 1 కప్పు సన్నగా తరిగిన మెంతి ఆకులు లేదా పాలకూర, రుచికి సరిపడా ఉప్పు, 3 టీస్పూన్ల తెల్ల నువ్వులు, 1 టీస్పూన్ ధనియాల పొడి, కొద్దిగా కారం, పావు టీస్పూన్ పసుపు, అర టీస్పూన్ పచ్చిమిర్చి పేస్ట్ లేదా సన్నగా తరిగిన పచ్చిమిర్చి, అర టీస్పూన్ అల్లం-వెల్లుల్లి పేస్ట్, అర టీస్పూన్ జీలకర్ర పొడి వేసి, అన్నీ బాగా కలిసేలా కలపండి.

ఆ మిశ్రమంలో 2 టీస్పూన్ల నూనె, ముప్పావు కప్పు పెరుగు వేసి, చేతితో బాగా కలపండి. పిండి మరీ మెత్తగా కాకుండా, సెమీ-సాఫ్ట్‌గా ఉండేలా చూసుకోండి.

ఇప్పుడు పిండిని చిన్న చిన్న భాగాలుగా తీసుకుని, పొడి జొন్న పిండిలో ముంచి, కొద్దిగా మందంగా పరాటాలుగా వత్తుకోండి. ప్రతి పరాటాపై కొద్దిగా తెల్ల నువ్వులు చల్లండి.

స్టవ్‌పై పెనం పెట్టి వేడి చేసి, పరాటాలను ఒక్కొక్కటిగా వేసి రెండు వైపులా బాగా కాల్చండి. అంతే, రుచికరమైన జొన్న పరాటా సిద్ధం!