Sprouted Millet Milk:ఎముకల బలానికి,బరువును అదుపులో ఉంచే “మొలకల పాలు” ఇంట్లోనే ఈజీగా చేసుకోండి..

Sprouted Millet Milk:ఎముకల బలానికి,బరువును అదుపులో ఉంచే “మొలకల పాలు” ఇంట్లోనే ఈజీగా చేసుకోండి.. మొలకల పాలు అనేది మొలకెత్తిన గింజలు మరియు పప్పుల నుండి తయారు చేసే పోషకమైన, రుచికరమైన పానీయం. ఇది కేవలం ఒక పానీయం మాత్రమే కాదు, ఆరోగ్యం, శక్తి మరియు పోషణను అందించే అద్భుతమైన వరం.

మీ రోజువారీ ఆహారంలో దీనిని చేర్చుకోవడం ద్వారా అనేక ఆరోగ్య ప్రయోజనాలను పొందవచ్చు. మొలకల పాలు రుచికరంగా ఉండటమే కాకుండా, కడుపు ఉబ్బరం, గ్యాస్ వంటి సమస్యలను తగ్గిస్తాయి. ఇది పోషకాలను అందించడంతో పాటు ఎముకల బలాన్ని, బరువు నియంత్రణను మరియు రోగనిరోధక శక్తిని పెంచడంలో సహాయపడుతుంది. ఇంట్లో మొలకల పాలు ఎలా తయారు చేయాలో ఇక్కడ తెలుసుకోండి.

మొలకల పాలు తయారీకి కావాల్సిన పదార్థాలు:

రాగులు
జొన్నలు
సజ్జలు
జీడిపప్పు
బాదంపప్పు
అల్లం
యాలకలు
పిస్తాపప్పు
గుమ్మడి గింజలు
వాల్‌నట్స్
పాలు
నీళ్లు
తయారీ విధానం:

ఒక పెద్ద గిన్నెలో 1 కప్పు రాగులు, 1 కప్పు జొన్నలు, 1 కప్పు సజ్జలు వేసి, వాటిని శుభ్రంగా కడిగి 10 గంటల పాటు నీటిలో నానబెట్టి మూత పెట్టండి.

మూడు రోజుల తర్వాత మూత తెరిస్తే మొలకలు వచ్చి ఉంటాయి. వాటిని 2-3 సార్లు శుభ్రంగా కడిగి, ఒక గుడ్డపై వేసి 2 గంటలు ఆరనివ్వండి.

స్టవ్ మీద పాన్ పెట్టి, అందులో మొలకలను వేసి 15 నిమిషాల పాటు సన్నని సెగపై దోరగా వేయించి పక్కన పెట్టండి.

అదే పాన్‌లో జీడిపప్పు, బాదంపప్పు, పిస్తాపప్పు, గుమ్మడి గింజలు, వాల్‌నట్స్, కొద్దిగా అల్లం, 4 యాలకలు వేయించి పక్కన పెట్టండి.

ఇప్పుడు మిక్సీ జార్‌లో వేయించిన డ్రైఫ్రూట్స్ మరియు మొలకలను వేసి మెత్తగా పొడి చేయండి.

ఈ పొడిని కొద్దిగా గ్లాస్‌లో వేసి నీళ్లు పోసి బాగా కలపండి.

స్టవ్ మీద కొద్దిగా వేడి నీటిని మరిగించి, అందులో ఈ పొడి కలిపిన నీటిని పోసి బాగా కలపండి. ఆ తర్వాత వేడి చేసిన పాలను కలిపి తాగండి.
అంతే! ఆరోగ్యకరమైన మొలకల పాలు సిద్ధం!