Poori laddu: మిగిలిపోయిన పూరీలతో.. ఎంతో రుచికరమైన “లడ్లు”.. తింటే అసలు వదలరు

Poori laddu: మిగిలిపోయిన పూరీలతో.. ఎంతో రుచికరమైన “లడ్లు”.. తింటే అసలు వదలరు.. ఎప్పుడూ ఒకే రకం లడ్డూ తింటే ఏం కొత్తదనం ఉంటుంది? ఒకసారి పూరీ లడ్డూ ప్రయత్నించండి. ఇంట్లో పూరీలు మిగిలిపోతే వాటితో ఈ లడ్డూలు తయారు చేయవచ్చు, లేదా ప్రత్యేకంగా పూరీలు చేసి కూడా ఈ రుచికరమైన లడ్డూలను తయారు చేసుకోవచ్చు. ఈ పూరీ లడ్డూలు చాలా రుచిగా ఉంటాయి. ఇప్పుడు ఈ లడ్డూలు ఎలా తయారు చేయాలో తెలుసుకుందాం.

పూరీ లడ్డు రెసిపీకి కావలసిన పదార్థాలు:
మైదా – 1 కప్పు
నూనె – డీప్ ఫ్రైకి సరిపడినంత
నీళ్లు – అవసరమైనంత
యాలకుల పొడి – ½ టీస్పూన్
నెయ్యి – 2-3 టేబుల్ స్పూన్లు
బెల్లం తురుము – ½ కప్పు

పూరీ లడ్డు తయారీ విధానం:
పూరీ లడ్డూలు చేయడానికి ముందుగా పూరీలను సిద్ధం చేయాలి.ఒక గిన్నెలో మైదా వేసి, చిటికెడు ఉప్పు కలిపి, నీళ్లు పోసి మెత్తగా పిండిలా కలపాలి.ఈ పిండిని మూతపెట్టి 10 నిమిషాలు పక్కన ఉంచాలి.తర్వాత పిండిని చిన్న చిన్న ఉండలుగా చేసి, పూరీల్లా వత్తాలి.

స్టవ్ మీద కళాయిలో నూనె వేసి వేడి చేయాలి.నూనె వేడెక్కిన తర్వాత, పూరీలను వేసి డీప్ ఫ్రై చేసి, పక్కన పెట్టుకోవాలి.ఫ్రై చేసిన పూరీలను చల్లార్చి, చేత్తో నలిపి చిన్న ముక్కలుగా చేయాలి.ఒక గిన్నెలో బెల్లం తురుము, నీళ్లు పోసి స్టవ్ మీద వేడి చేయాలి.

బెల్లం పాకంలో యాలకుల పొడి, నెయ్యి వేసి బాగా కలపాలి.పాకం సిద్ధమైన తర్వాత, పూరీ ముక్కలను వేసి బాగా కలుపుకోవాలి.మిశ్రమం బిగుతుగా అయ్యే వరకు కలిపి, స్టవ్ ఆపేయాలి.మిశ్రమం గోరువెచ్చగా ఉన్నప్పుడు, చేత్తో కొంత తీసుకొని లడ్డూల ఆకారంలో చుట్టాలి.అంతే! రుచికరమైన పూరీ లడ్డూలు సిద్ధం.

చిట్కాలు:
బెల్లం నచ్చకపోతే పంచదార వాడవచ్చు, కానీ ఆరోగ్యం దృష్ట్యా బెల్లం మంచిది.
పాకంలో జీడిపప్పు, బాదం తురుము వేస్తే రుచి మరింత పెరుగుతుంది.
నెయ్యి తప్పనిసరిగా వాడండి, ఇది లడ్డూలకు అద్భుతమైన రుచిని, సుగంధాన్ని ఇస్తుంది.
ఈ లడ్డూలను అతిథులకు వడ్డిస్తే, వారు మీ రుచిని తప్పకుండా మెచ్చుకుంటారు.