Sorakaya Ulli Karam:అన్నం చపాతీలోకి “సొరకాయ”తో ఎప్పుడూలా కాకుండా కొత్తగా ఇలా చేసి చూడండి

Sorakaya Ulli Karam:అన్నం చపాతీలోకి “సొరకాయ”తో ఎప్పుడూలా కాకుండా కొత్తగా ఇలా చేసి చూడండి.. సొరకాయ వంటింట్లో తరచూ ఉపయోగించే కూరగాయల్లో ఒకటి. అయితే, కొందరు సొరకాయను తినడానికి ఇష్టపడరు. సొరకాయను ఆహారంలో భాగం చేసుకోవడం వల్ల అనేక ఆరోగ్య ప్రయోజనాలు కలుగుతాయి.

ఇది ఒత్తిడిని తగ్గించడంలో, జీర్ణక్రియను మెరుగుపరచడంలో, గుండె ఆరోగ్యాన్ని కాపాడడంలో, నిద్రలేమి సమస్యను నివారించడంలో, మరియు బరువు తగ్గడంలో సహాయపడుతుంది. సొరకాయలో శరీరానికి అవసరమైన అన్ని విటమిన్లు ఉంటాయి.

వేసవిలో సొరకాయను ఆహారంలో చేర్చుకోవడం వల్ల శరీరానికి చల్లదనం కలుగుతుంది. సొరకాయతో వివిధ రకాల వంటకాలను తయారు చేస్తుంటాం. అందులో ఒకటి సొరకాయ ఉల్లికారం, ఇది చాలా రుచికరంగా ఉంటుంది మరియు అందరూ ఇష్టపడతారు. సొరకాయ ఉల్లికారం తయారీ విధానాన్ని ఇప్పుడు తెలుసుకుందాం.

సొరకాయ ఉల్లికారం తయారీకి కావలసిన పదార్థాలు:
ఉల్లిపాయ ముక్కలు (సన్నగా తరిగినవి) – 2 కప్పులు
ఎండుమిర్చి – 15
ధనియాలు – ½ టీస్పూన్
జీలకర్ర – ½ టీస్పూన్
ఆవాలు – 1 టీస్పూన్
సొరకాయ ముక్కలు – 4 కప్పులు
బెల్లం తురుము – 2 టీస్పూన్లు
చింతపండు – 20 గ్రాములు
మినపప్పు – 2 టీస్పూన్లు
శనగపప్పు – 4 టీస్పూన్లు
నూనె – ½ కప్పు
తరిగిన కొత్తిమీర – ½ కప్పు
ఉప్పు – తగినంత
పసుపు – ½ టీస్పూన్
కరివేపాకు – 2 రెబ్బలు

సొరకాయ ఉల్లికారం తయారీ విధానం:
ముందుగా సొరకాయ ముక్కలను ఒక గిన్నెలో తీసుకుని, ఉప్పు, పసుపు వేసి కలిపి పక్కన పెట్టుకోవాలి.ఒక కళాయిలో కొద్దిగా నూనె వేసి, మినపప్పు, శనగపప్పు వేసి వేయించి తీసి పక్కన పెట్టాలి.

అదే కళాయిలో ఉల్లిపాయ ముక్కలను వేసి వేయించి, ఆ తర్వాత ఎండుమిర్చిని కూడా వేయించి తీయాలి.ఒక మిక్సీ జార్‌లో వేయించిన పప్పులు, ఉల్లిపాయ ముక్కలు, బెల్లం తురుము, చింతపండు, ఎండుమిర్చిని వేసి మెత్తగా కాకుండా కొద్దిగా గరుకుగా పట్టి పక్కన ఉంచాలి.

కళాయిలో మిగిలిన నూనె వేసి, ఆవాలు, జీలకర్ర, కరివేపాకు వేసి వేయించాలి.ఆవాలు చిటపటలాడిన తర్వాత, ఉప్పు, పసుపు కలిపిన సొరకాయ ముక్కల నుండి నీటిని పిండి, కళాయిలో వేసి మూత పెట్టి చిన్న మంటపై ఉడికించాలి.

సొరకాయ ముక్కలు ఉడికిన తర్వాత, మిక్సీలో పట్టిన ఉల్లికారం మిశ్రమాన్ని వేసి కొద్దిసేపు వేయించాలి.చివరగా, మూత పెట్టి చిన్న మంటపై కొద్దిసేపు ఉడికించి, కొత్తిమీర వేసి స్టవ్ ఆఫ్ చేయాలి.

ఈ విధంగా తయారు చేసిన సొరకాయ ఉల్లికారం రుచికరంగా ఉంటుంది. సొరకాయను ఆహారంలో భాగం చేసుకోవడం వల్ల రక్తపోటు తగ్గుతుంది మరియు మూత్రాశయ సంబంధిత సమస్యలను నివారించడంలో కూడా సహాయపడుతుంది. ఈ రుచికరమైన సొరకాయ ఉల్లికారం తయారు చేసి తింటే రుచితో పాటు ఆరోగ్యం కూడా లభిస్తుంది.