Upma:”ఉప్మా” ఇలాచేస్తే చాలా టేస్టీగా తిన్నకొద్దీ తినాలనిపిస్తుంది

Upma:”ఉప్మా” ఇలాచేస్తే చాలా టేస్టీగా తిన్నకొద్దీ తినాలనిపిస్తుంది.. ఉదయం అల్పాహారంలో రకరకాల వంటకాలను తయారు చేస్తుంటాం. అందులో బొంబాయి రవ్వతో చేసే ఉప్మా ఒకటి. చాలా మంది ఉప్మాను ఇష్టపడకపోవచ్చు, కానీ సరైన పద్ధతిలో తయారు చేస్తే ఉప్మా చాలా రుచికరంగా ఉంటుంది. రుచిగా ఉప్మా ఎలా తయారు చేయాలో ఇప్పుడు తెలుసుకుందాం.

ఉప్మా తయారీకి కావలసిన పదార్థాలు:
బొంబాయి రవ్వ – 2 కప్పులు
నూనె – 3 టేబుల్ స్పూన్లు
ఆవాలు – 1/2 టీ స్పూన్
జీలకర్ర – 1/4 టీ స్పూన్
శనగపప్పు – 1 టీ స్పూన్
పల్లీలు – 2 టేబుల్ స్పూన్లు
తరిగిన ఉల్లిపాయ – 1
తరిగిన క్యారెట్ – 1
తరిగిన టమాట – 1
పచ్చి బఠానీ – కొద్దిగా
కరివేపాకు – 1 రెబ్బ
తరిగిన కొత్తిమీర – కొద్దిగా
తరిగిన పచ్చిమిర్చి – 2
తరిగిన అల్లం – కొద్దిగా
నీళ్లు – సరిపడా
నెయ్యి – 1 టీ స్పూన్
ఉప్పు – తగినంత

ఉప్మా తయారు చేసే విధానం:
ఒక కళాయిలో నూనె వేసి కాగిన తర్వాత ఆవాలు, జీలకర్ర, పల్లీలు, శనగపప్పు వేసి వేయించాలి.ఇవి వేగిన తర్వాత తరిగిన ఉల్లిపాయ, పచ్చిమిర్చి, అల్లం, క్యారెట్, పచ్చి బఠానీ, కరివేపాకు వేసి వేయించాలి.కూరగాయలు కొద్దిగా వేగిన తర్వాత తరిగిన టమాట ముక్కలు వేసి, మూత పెట్టి పూర్తిగా ఉడికే వరకు ఉంచాలి.

టమాట ఉడికిన తర్వాత తరిగిన కొత్తిమీర వేసి కలపాలి.ఒక కప్పు రవ్వకు 5 కప్పుల నీళ్ల చొప్పున, 2 కప్పుల రవ్వకు 10 కప్పుల నీళ్లు పోసి, రుచికి తగినంత ఉప్పు వేసి నీళ్లు మరిగే వరకు ఉంచాలి.

నీళ్లు మరిగిన తర్వాత, రవ్వను కొద్ది కొద్దిగా వేస్తూ ఉండలు కట్టకుండా జాగ్రత్తగా కలపాలి.2 నిమిషాల పాటు మూత పెట్టి ఉడికించాలి.చివరగా నెయ్యి వేసి స్టవ్ ఆఫ్ చేయాలి.

ఈ విధంగా తయారు చేస్తే రుచికరమైన బొంబాయి రవ్వ ఉప్మా సిద్ధమవుతుంది. ఇందులో పల్లీలతో పాటు జీడిపప్పు కూడా వేసుకోవచ్చు. గట్టిగా ఉండాలనుకుంటే నీటిని కొద్దిగా తగ్గించి పోసుకోవచ్చు. పెసరట్టు ఉప్మా తయారీలో ఈ విధానంలో ఉప్మా చేస్తే మరింత రుచిగా ఉంటుంది. పల్లీ చట్నీ లేదా టమాట చట్నీతో కలిపి తింటే ఉప్మా రుచి ఇన్నాళ్లూ రెట్టింపవుతుంది.