Garam Masala Powder:హోటల్లో వాడే “గరం మసాలా పొడి”.. ఇలా చేస్తే సంవత్సరం నిల్వ ఉంటుంది..

Garam Masala Powder:హోటల్లో వాడే “గరం మసాలా పొడి”.. ఇలా చేస్తే సంవత్సరం నిల్వ ఉంటుంది.. మన వంటింట్లో వివిధ రకాల మసాలా దినుసులు ఉపయోగిస్తాం. అయితే, వీటన్నింటినీ కలిపి తయారు చేసే గరం మసాలా పొడి మన రోజువారీ వంటల్లో తరచూ వాడతాం. ఈ పొడిని వంటల్లో చేర్చడం వల్ల వాటికి అద్భుతమైన రుచి, సుగంధం వస్తాయి.

అంతేకాక, ఈ దినుసులు మూలికలుగా కూడా పనిచేస్తాయి కాబట్టి, వీటిలో ఔషధ గుణాలు ఉంటాయి. ఈ గుణాల వల్ల మనకు అనేక ఆరోగ్య ప్రయోజనాలు కలుగుతాయి. అందుకే గరం మసాలా పొడిని వంటల్లో తప్పనిసరిగా ఉపయోగిస్తాం. అయితే, గరం మసాలా పొడి తయారీలో ఏ దినుసులను, ఎంత మొత్తంలో వాడాలి, ఎలా తయారు చేస్తే రుచికరంగా వస్తుందనే విషయం చాలామందికి తెలియదు.

ఈ నేపథ్యంలో, గరం మసాలా పొడి తయారీకి ఏయే దినుసులను, ఎంతెంత మొత్తంలో ఉపయోగించి, ఎలా తయారు చేయాలో ఇప్పుడు తెలుసుకుందాం.

గరం మసాలా పొడి తయారీకి కావలసిన పదార్థాలు:
దాల్చిన చెక్క – 5 ముక్కలు (2 అంగుళాల పొడవు)
యాలకులు (పొట్టు తీసినవి) – 1 కప్పు
జీలకర్ర – ½ కప్పు
మిరియాలు – ½ కప్పు
లవంగాలు – ½ కప్పు
ధనియాలు – ½ కప్పు
తురిమిన ఎండు కొబ్బరి – ¼ కప్పు

గరం మసాలా పొడి తయారీ విధానం:

పైన పేర్కొన్న అన్ని దినుసులను విడివిడిగా పెనంపై నూనె లేకుండా వేయించాలి. ప్రతి దినుసును బాగా వేగిన తర్వాత, అన్నింటినీ కలిపి మిక్సీలో వేసి పొడి చేయాలి. ఈ పొడిని మెత్తగా లేదా బరకగా, మీకు నచ్చిన విధంగా పట్టుకోవచ్చు. ఇలా చేయడం వల్ల గరం మసాలా పొడి సిద్ధమవుతుంది. ఈ పొడి 15 నుంచి 20 రోజుల వరకు ఉపయోగించవచ్చు. ఈ సులభమైన పద్ధతిలో గరం మసాలా పొడిని తయారు చేసుకోవచ్చు.