Chakkera Pongali:”చక్కెర పొంగలి” రుచిగా గుడిలో ప్రసాదంలా చేయాలంటే ఇలాచేయండి

Chakkera Pongali:”చక్కెర పొంగలి” రుచిగా గుడిలో ప్రసాదంలా చేయాలంటే ఇలాచేయండి.. చక్కెర పొంగలి – పేరు వినగానే నోట్లో నీళ్లూరే రుచికరమైన వంటకం. ఈ వంటకాన్ని కొందరు కేవలం చక్కెరతో లేదా బెల్లంతో తయారు చేస్తారు.

కానీ, చక్కెర, బెల్లం రెండింటినీ కలిపి తయారు చేస్తే మరింత రుచిగా, శక్తిని అందించే విధంగా ఉంటుంది. ఇప్పుడు ఈ విధంగా చక్కెర, బెల్లం కలిపి చక్కెర పొంగలిని ఎలా తయారు చేయాలో తెలుసుకుందాం.

చక్కెర పొంగలి తయారీకి కావలసిన పదార్థాలు:
బియ్యం – ¾ కప్పు
పెసర పప్పు – ¼ కప్పు
బెల్లం – 1 కప్పు
పంచదార – ½ కప్పు
జీడిపప్పు – 1 టేబుల్ స్పూన్
ఎండు ద్రాక్ష – 1 టేబుల్ స్పూన్
ఎండు కొబ్బరి ముక్కలు – 1 టేబుల్ స్పూన్
నెయ్యి – 4 టేబుల్ స్పూన్లు
యాలకుల పొడి – ½ టీ స్పూన్
నీళ్లు – 3 కప్పులు
పచ్చ కర్పూరం – చిటికెడు కంటే తక్కువ

తయారీ విధానం:
ముందుగా ఒక కళాయిలో నెయ్యి వేసి, కాగిన తర్వాత జీడిపప్పు, ఎండు ద్రాక్ష, ఎండు కొబ్బరి ముక్కలను వేసి ఎర్రగా వేయించి పక్కన పెట్టుకోవాలి.
ఒక కుక్కర్‌లో పెసర పప్పును వేసి స్వల్పంగా వేయించుకోవాలి.

అదే కుక్కర్‌లో బియ్యం వేసి, తగినన్ని నీళ్లతో శుభ్రంగా కడిగి, 2 కప్పుల నీళ్లు పోసి, మూత పెట్టి, మధ్యస్థ మంటపై 3 విజిల్స్ వచ్చే వరకు ఉడికించి పక్కన పెట్టుకోవాలి.ఒక గిన్నెలో బెల్లం, పంచదార వేసి, 1 కప్పు నీళ్లు పోసి, బెల్లం కరిగే వరకు తిప్పుతూ ఉండాలి.

బెల్లం కరిగిన తర్వాత, జల్లి గంట సహాయంతో వడకట్టి, ఆ ద్రవాన్ని ఉడికించిన బియ్యం, పప్పు మిశ్రమంలో పోసి, మధ్యస్థ మంటపై అన్నం దగ్గర పడే వరకు ఉడికించాలి.తర్వాత నెయ్యి, యాలకుల పొడి వేసి బాగా కలపాలి.

చివరగా, వేయించి పెట్టుకున్న డ్రై ఫ్రూట్స్, పచ్చ కర్పూరం వేసి కలిపి, స్టవ్ ఆఫ్ చేయాలి. ఇలా తయారు చేసిన చక్కెర పొంగలి అద్భుతమైన రుచితో పాటు శక్తిని అందిస్తుంది. ఆస్వాదించండి!