Egg:గుడ్డు శాకాహారమా.? మాంసాహారమా… నిపుణులు ఏమని అంటున్నారంటే..
Egg:గుడ్డు శాకాహారమా.? మాంసాహారమా… నిపుణులు ఏమని అంటున్నారంటే.. గుడ్డులో ఆరోగ్యానికి మేలు చేసే అనేక పోషకాలు సమృద్ధిగా ఉంటాయి. మాంసకృత్తులు, 9 రకాల అమైనో ఆమ్లాలు, బి కాంప్లెక్స్ విటమిన్లు, డి విటమిన్, ఖనిజాలు వంటివి గుడ్డులో పుష్కలంగా లభిస్తాయి. అయినప్పటికీ, గుడ్డు శాఖాహారమా లేక మాంసాహారమా అనే సందేహం చాలామందిలో ఉంటుంది. సైన్స్ ప్రకారం శాఖాహార ఆహారానికి ఒక నిర్దిష్ట నిర్వచనం ఉంది: జంతు మాంసం లేని ఆహారాన్ని శాఖాహారం అంటారు.
ఈ కోణంలో చూస్తే, గుడ్డును శాఖాహారంగా పరిగణించవచ్చు. ఇలాంటి ఆహారం తీసుకునే వారిని ఓవో-వెజిటేరియన్స్ అంటారు. అయితే, భారతీయ సంప్రదాయంలో గుడ్డును మాంసాహారంగా భావిస్తారు, కాబట్టి చాలా మంది శాఖాహారులు గుడ్డును తినరు.
సైన్స్ దృక్కోణంలో గుడ్లు రెండు రకాలు: ఫలదీకరణం చేయబడిన గుడ్లు మరియు ఫలదీకరణం చేయని గుడ్లు. ఫలదీకరణం చేయబడిన గుడ్డు నుంచి కోడి పిల్ల బయటకు వస్తుంది, అయితే ఫలదీకరణం చేయని గుడ్డు కేవలం ఆహారంగా ఉపయోగించబడుతుంది, దీని నుంచి కోడి పిల్లలు రావు.
కోడి పెట్టే గుడ్డు, కోడి పుంజు ద్వారా ఫలదీకరణం చేయబడితే దానిని ఫలదీకరణ గుడ్డు అంటారు. కోడి పుంజు సహకారం లేకుండా పెట్టిన గుడ్డును ఫలదీకరణం చేయని గుడ్డు అంటారు. కోళ్ల ఫారమ్లలో సాగు చేసే గుడ్లు సాధారణంగా ఫలదీకరణం చేయని గుడ్లు, ఇవి కోడి పిల్ల అభివృద్ధి చెందని గుడ్లు. ఇటువంటి గుడ్లను శాఖాహారంగా పరిగణించవచ్చని శాస్త్రవేత్తలు చెబుతున్నారు.
కొన్ని గుడ్లలో అప్పుడప్పుడు రక్తపు చుక్కలు కనిపిస్తాయి, దీనిని సైన్స్లో “మీట్ స్పాట్” అంటారు. ఇది గుడ్డు ఫలదీకరణం చెందినట్లు సూచించదు. కోడి శరీరంలో గుడ్డు ఏర్పడే సమయంలో రక్తనాళాలు దెబ్బతినడం వల్ల ఈ రక్తపు చుక్కలు కనిపిస్తాయి.
సైన్స్ దృష్టిలో, కోడి గుడ్డు పెట్టినంత మాత్రాన అది మాంసాహారం కాదు. జంతువుల నుంచి వచ్చే ప్రతిదీ మాంసాహారంగా లెక్కించకూడదు. ఉదాహరణకు, పాలు కూడా గేదెల నుంచి వస్తాయి, కానీ వాటిని శాఖాహారంగానే పరిగణిస్తారు. అదే విధంగా, గుడ్డును మాంసాహారంగా భావిస్తే, పాలను కూడా మాంసాహారంగా పరిగణించాల్సి వస్తుంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ