Soft Idli tips: హోటల్లో లాగా ఇడ్లీలు మెత్తగా దూదిలాగా మృదువుగా రావాలంటే ఈ ట్రిక్స్ ఫాలో అవ్వండి..
Soft Idli tips: హోటల్లో లాగా ఇడ్లీలు మెత్తగా దూదిలాగా మృదువుగా రావాలంటే ఈ ట్రిక్స్ ఫాలో అవ్వండి.. ఇడ్లీలు ఆరోగ్యానికి చాలా మంచివి, కానీ చాలామంది చేసే ఇడ్లీలు గట్టిగా ఉంటాయి. మెత్తగా, స్పంజీగా రావాలంటే ఏం చేయాలో చాలామందికి తెలియదు. అయితే, ఒక సరైన పద్ధతిని అనుసరిస్తే ఇడ్లీలు మెత్తగా, రుచిగా వస్తాయి.
ప్రతి రోజూ ఇంట్లో ఏదో ఒక టిఫిన్ తయారుచేస్తుంటారు. దోసె, పూరీ, పరోటాలతో పాటు ఇడ్లీలు కూడా తరచూ చేస్తారు. ఇడ్లీలు త్వరగా తయారవడమే కాకుండా, రుచిగా కూడా ఉంటాయి కాబట్టి చాలామంది వీటిని ఇష్టపడతారు. కానీ, కొన్నిసార్లు ఇడ్లీలు మనం ఆశించినట్లు రాక, గట్టిగా లేదా చాలా లూజ్గా అవుతాయి. ఇలా ఎందుకు జరుగుతుందో చాలామందికి అర్థం కాదు.
అయితే, బియ్యం, మినపప్పును నానబెట్టేటప్పుడు ఒక పదార్థం వేస్తే ఇడ్లీలు చాలా మెత్తగా, స్పంజీగా వస్తాయి. మెత్తని ఇడ్లీలను ఎలా తయారు చేయాలో ఇప్పుడు తెలుసుకుందాం.
కావలసిన పదార్థాలు:
3 కప్పుల రేషన్ బియ్యం
1 కప్పు మినపప్పు
1 చెంచా మెంతులు
4 కప్పుల నీరు
తయారీ విధానం:
బియ్యం, మినపప్పు, మెంతులను ఒక గిన్నెలో వేసి, 4-5 సార్లు నీటితో శుభ్రంగా కడగాలి.కడిగిన పదార్థాలలో 4 కప్పుల నీరు పోసి, 5-6 గంటల పాటు నానబెట్టాలి. నానిన పదార్థాలను మిక్సీలో కొద్దిగా గరుకుగా ఇడ్లీ పిండిలా గ్రైండ్ చేయాలి.
గ్రైండ్ చేసిన పిండిలో తగినంత ఉప్పు కలిపి, గాలి చొరబడకుండా మూతపెట్టి రాత్రంతా అలాగే ఉంచాలి.రాత్రంతా పులియబెట్టిన పిండి ఉదయానికి బాగా పొంగి, ఇడ్లీలకు సిద్ధంగా ఉంటుంది.ఈ పిండితో ఇడ్లీలను సాధారణ విధానంలో ఆవిరి మీద ఉడికించి తయారు చేయండి.
ఈ పద్ధతి పాటిస్తే ఇడ్లీలు మెత్తగా, స్పంజీగా, రుచిగా వస్తాయి. ఈ సులభమైన టిప్తో మీ ఇడ్లీలు ప్రతిసారీ పర్ఫెక్ట్గా వస్తాయి!