Egg Tomato Omelette:రుచికరమైన టమాటో ఎగ్ ఆమ్లెట్ కేవలం 5 నిమిషాల్లో చేయండి ఇలా..
Egg Tomato Omelette:రుచికరమైన టమాటో ఎగ్ ఆమ్లెట్ కేవలం 5 నిమిషాల్లో చేయండి ఇలా.. కోడిగుడ్లను చాలా మంది వివిధ రకాలుగా ఆస్వాదిస్తారు. వీటిని ఉడకబెట్టి, ఫ్రై చేసి లేదా కూరల రూపంలో తింటారు. కొందరు ఆమ్లెట్గా తయారు చేసి తింటారు.
అయితే, ఎప్పుడూ ఒకేలా చేసే సాధారణ ఆమ్లెట్కు బదులు, కోడిగుడ్లతో టమాటా ఆమ్లెట్ను తయారు చేసి రుచిగా తినవచ్చు. ఇది రుచికరంగానే కాకుండా పోషకాలను కూడా అందిస్తుంది. ఇప్పుడు కోడిగుడ్డు టమాటా ఆమ్లెట్ను ఎలా తయారు చేయాలో తెలుసుకుందాం.
కోడిగుడ్డు టమాటా ఆమ్లెట్ తయారీకి కావలసిన పదార్థాలు:
గుడ్లు – 2
టమాటాలు – 2
ఉల్లిపాయ – 1
పచ్చిమిరపకాయలు – 4
కొత్తిమీర – 1 కట్ట
పసుపు – చిటికెడు
ఉప్పు – తగినంత
నూనె – సరిపడా
తయారీ విధానం:
టమాటాలను సన్నగా చక్రాల ఆకారంలో కోసి, వాటి మధ్యలోని గింజలను తొలగించాలి.ఒక గిన్నెలో గుడ్ల సొనను వేసి, అందులో సన్నగా తరిగిన ఉల్లిపాయ ముక్కలు, పచ్చిమిరపకాయ ముక్కలు, పసుపు, ఉప్పు వేసి బాగా కలపాలి.స్టవ్ మీద పెనం పెట్టి, సరిపడా నూనె పోసి బాగా కాగనివ్వాలి.
కాగిన నూనెలో ముందుగా సిద్ధం చేసిన గుడ్డు మిశ్రమాన్ని పోసి ఆమ్లెట్ను వేయాలి.ఆమ్లెట్పై టమాటా చక్రాలను వరుసగా అమర్చి, కొద్దిగా లోపలికి నొక్కాలి.పైన కొత్తిమీర తురుము వేయాలి.
టమాటా ముక్కలు ఆమ్లెట్కు అతుక్కునే వరకు సన్నని మంటపై వేగనివ్వాలి.ఆమ్లెట్ను జాగ్రత్తగా తిప్పి, రెండో వైపు కూడా కొద్దిసేపు వేగనిచ్చి దించేయాలి. ఇలా చేయడం వల్ల రుచికరమైన కోడిగుడ్డు టమాటా ఆమ్లెట్ సిద్ధమవుతుంది. ఇది రుచితో పాటు పోషకాలను కూడా అందిస్తుంది.