Vinayaka Chavithi 2025 : ఈ సంవత్సరం వినాయక చవితి ఎప్పుడు? పూజకు శుభముహూర్తం ఎప్పుడో తెలుసా..?
Vinayaka Chavithi 2025 : ఈ సంవత్సరం వినాయక చవితి ఎప్పుడు? పూజకు శుభముహూర్తం ఎప్పుడో తెలుసా.. ఈ సంవత్సరం 2025, విశ్వావసు నామ సంవత్సరంలో వినాయక చవితి పండుగను ఆగస్టు 27 (బుధవారం) రోజున ఘనంగా జరుపుకుంటారు. వినాయక చవితి తిథి ఆగస్టు 26న మధ్యాహ్నం 1:54 గంటలకు ప్రారంభమవుతుంది. ఆగస్టు 27న ఉదయం 5:20 గంటల నుంచి 7:20 గంటల వరకు స్థిర లగ్నం (సింహ లగ్నం) ఉంటుంది, దీనిని పండితులు శుభ ముహూర్తంగా పేర్కొంటున్నారు.
వినాయక చవితి పండుగను దేశవ్యాప్తంగా అత్యంత వైభవంగా జరుపుకుంటారు. భాద్రపద మాసం శుక్లపక్ష చతుర్థి తిథినాడు ఈ పండుగ జరుగుతుంది. ఈ ఏడాది ఆగస్టు 24 నుంచి భాద్రపద మాసం ప్రారంభమవుతుంది, ఈ మాసంలో తొలి పండుగగా వినాయక చవితి వస్తుంది. ఆగస్టు 27 నుంచి 10 రోజుల పాటు, అంటే తొమ్మిది రాత్రులు, గణేశ చతుర్థిని భక్తి శ్రద్ధలతో అంగరంగ వైభవంగా జరుపుకుంటారు. ఈ సమయంలో గణనాథుడిని పూజించి, చివరగా చెరువులు, కాలువల్లో విగ్రహాన్ని నిమజ్జనం చేస్తారు.
వినాయక చవితి శుభ ముహూర్తం
2025 విశ్వావసు నామ సంవత్సరంలో ఆగస్టు 27న వినాయక చవితి జరుగుతుంది. తిథి ఆగస్టు 26న మధ్యాహ్నం 1:54 గంటలకు మొదలవుతుంది. ఆగస్టు 27న ఉదయం 5:20 నుంచి 7:20 గంటల వరకు స్థిర లగ్నం (సింహ లగ్నం) ఉంటుంది, ఇదే శుభ ముహూర్తంగా పండితులు సూచిస్తున్నారు. ఈ సమయంలో దీపం వెలిగించి పూజ ప్రారంభించాలని సలహా ఇస్తున్నారు. అలాగే, ఉదయం 11:35 నుంచి 11:50 గంటల మధ్య వరసిద్ధి వినాయక వ్రత కల్పం చేసుకోవడం శుభప్రదమని చెప్పారు.
ఈ సందర్భంగా హైదరాబాద్ మెట్రోపాలిటన్ డెవలప్మెంట్ అథారిటీ (హెచ్ఎండీఏ) సంతోషకరమైన వార్తను వెల్లడించింది. నగరంలో 34 ప్రాంతాల్లో పర్యావరణ అనుకూల మట్టి గణేష విగ్రహాలను పంపిణీ చేయనున్నట్లు తెలిపింది. ఆగస్టు 24 నుంచి 26 వరకు ఈ విగ్రహాలను పంపిణీ చేస్తారని, మొత్తం ఒక లక్ష విగ్రహాలు అందుబాటులో ఉన్నాయని పేర్కొన్నారు.
గణనాథుడి విగ్రహం ఎలా ఉండాలి?
వినాయకుడి విగ్రహం ఎంపికలో కొన్ని నియమాలు పాటించాలని పండితులు సూచిస్తున్నారు. గణేశుడి తొండం ఏ వైపు ఉండాలనే సందేహం చాలామందిలో ఉంటుంది. కోరికలు నెరవేరాలంటే, పూజించే వినాయకుడి విగ్రహం లేదా చిత్రంలో తొండం ఆయనకు ఎడమవైపు వంగి ఉండటం శ్రేష్ఠమని పండితులు చెబుతున్నారు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ