Pulses Benefits: ఈ సమస్యలు ఉన్నవారు.. ఇప్పుడు చెప్పే పప్పు కూరలను ఖచ్చితంగా తినాలి.. ఎందుకంటే..
Pulses Benefits: ఈ సమస్యలు ఉన్నవారు.. ఇప్పుడు చెప్పే పప్పు కూరలను ఖచ్చితంగా తినాలి.. ఎందుకంటే.. మాంసాహారంలో శరీరానికి అవసరమైన ప్రోటీన్లు సమృద్ధిగా ఉంటాయి. అయితే, కొందరు మాంసాహారం తినడానికి ఇష్టపడరు. అలాంటి వారు కొన్ని రకాల పప్పులను తమ ఆహారంలో చేర్చుకుంటే, శరీరానికి అవసరమైన పోషకాలను పొందవచ్చు.
పప్పుల ప్రాముఖ్యత
నిపుణుల అభిప్రాయం ప్రకారం, శాఖాహారులు మాంసాహారం తినని వారు పప్పుల ద్వారా అవసరమైన పోషకాలను పొందవచ్చు. కొన్ని పప్పుల్లో ప్రోటీన్లు సమృద్ధిగా ఉంటాయి, ఇవి పోషకాల లోపాన్ని తొలగించడమే కాకుండా అనేక ఆరోగ్య ప్రయోజనాలను అందిస్తాయి. ఈ పప్పులు బరువు తగ్గడానికి, కండరాల నష్టాన్ని నివారించడానికి, థైరాయిడ్ హార్మోన్ను సమతుల్యంగా ఉంచడానికి సహాయపడతాయి. అలాంటి పప్పుల గురించి ఇప్పుడు తెలుసుకుందాం.
పెసరపప్పు
పెసరపప్పు ప్రోటీన్లు సమృద్ధిగా ఉండే పప్పుల్లో ఒకటి. ఈ పప్పు రుచికరమైనదే కాకుండా, ఆరోగ్యానికి కూడా ఎంతో మేలు చేస్తుంది. 100 గ్రాముల పెసరపప్పులో సుమారు 24 గ్రాముల ప్రోటీన్ ఉంటుంది. ఇది సులభంగా జీర్ణమవుతుంది, బరువు తగ్గాలనుకునే వారికి ఇది ఒక గొప్ప ఎంపిక. థైరాయిడ్, PCOS వంటి సమస్యలతో బాధపడే మహిళలకు ఈ పప్పు చాలా ప్రయోజనకరం.
మినపప్పు
మినపప్పులో కూడా ప్రోటీన్లు, కాల్షియం పుష్కలంగా ఉంటాయి. ఈ పప్పు ఎముకలను బలోపేతం చేస్తుంది మరియు మహిళలకు ఋతుస్రావ సమస్యలను తగ్గించడంలో సహాయపడుతుంది. మినపప్పు తినడం వల్ల శరీరం ఆరోగ్యంగా ఉంటుంది మరియు ఎముకల ఆరోగ్యం మెరుగుపడుతుంది.
ఎర్రపప్పు
ఎర్రపప్పును తక్కువ మంది తినడం జరుగుతుంది, కానీ ఇది ఆరోగ్యానికి ఎంతో మంచిది. 100 గ్రాముల ఎర్రపప్పులో 25 గ్రాముల ప్రోటీన్, అధిక మొత్తంలో ఫైబర్ ఉంటాయి. ఈ పప్పు జీర్ణక్రియను మెరుగుపరుస్తుంది మరియు ఫోలేట్ సమృద్ధిగా ఉండటం వల్ల హార్మోన్లను సమతుల్యంగా ఉంచుతుంది. అలాగే, మైగ్రేన్ సమస్యలను నివారించడంలో సహాయపడుతుంది.
కందిపప్పు
కందిపప్పులో మాంసాహారంలో ఉండే స్థాయిలో పోషకాలు లభిస్తాయి. 100 గ్రాముల కందిపప్పులో 22 గ్రాముల ప్రోటీన్ ఉంటుంది. ఇందులోని మెగ్నీషియం గుండె ఆరోగ్యాన్ని కాపాడుతుంది. ఈ పప్పు రక్తపోటును నియంత్రణలో ఉంచడంలో, జీర్ణక్రియను మెరుగుపరచడంలో సహాయపడుతుందని నిపుణులు సూచిస్తున్నారు.
ఈ పప్పులను మీ రోజువారీ ఆహారంలో చేర్చుకోవడం వల్ల ప్రోటీన్ లోపాన్ని అధిగమించడమే కాకుండా, శరీర ఆరోగ్యాన్ని మెరుగుపరచవచ్చు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ