veg lollipop :సాయంత్రం స్నాక్స్ పిల్లలకి “వెజ్ లాలిపోప్స్” కేవలం 10 నిమిషాల్లో చెయ్యండి..

veg lollipop :సాయంత్రం స్నాక్స్ పిల్లలకి “వెజ్ లాలిపోప్స్” కేవలం 10 నిమిషాల్లో చెయ్యండి.. దుకాణాల్లో లభించే లాలీపాప్‌లు పిల్లలకు ఎంతో ఇష్టం. రెస్టారెంట్‌లలో దొరికే చికెన్ లాలీపాప్‌లు పిల్లలతో పాటు పెద్దలకు కూడా బాగా నచ్చుతాయి. అలాంటిదే మరో రుచికరమైన ఆప్షన్ ఉంది – అదే వెజ్ లాలీపాప్! ఇది పార్టీ స్టార్టర్‌గానో, సాయంత్రం స్నాక్‌గానో అద్భుతంగా సరిపోతుంది. ఇంట్లో అందరూ దీన్ని ఇష్టంగా తింటారు. దీనికి కావాల్సిన పదార్థాలు, తయారీ విధానం ఏంటో ఇప్పుడు చూద్దాం.

కావాల్సిన పదార్థాలు:
పచ్చిమిర్చి – 5 నుంచి 6
ఉల్లిపాయలు – 2 (పెద్దవి)
క్యాబేజీ తురుము – 1 కప్పు
క్యారెట్ తురుము – 1 కప్పు
క్యాప్సికమ్ తురుము – 1 కప్పు
ఉడికించిన బంగాళదుంపలు – 2
కారం – అర టీస్పూన్
ఉప్పు – రుచికి సరిపడా
జీరా పౌడర్ – 1/4 టీస్పూన్
గరం మసాలా – అర టీస్పూన్
నిమ్మకాయ – అర చెక్క
కార్న్ ఫ్లోర్ – అర కప్పు

తయారీ విధానం:
ముందుగా స్టవ్ మీద ఒక పాన్ పెట్టి, అందులో 1 టేబుల్ స్పూన్ నూనె వేయండి.నూనె వేడెక్కిన తర్వాత, సన్నగా తరిగిన పచ్చిమిర్చిని వేసి కొద్దిగా వేయించండి. తర్వాత సన్నగా తరిగిన ఉల్లిపాయలను వేసి బాగా వేగనివ్వండి.ఆపై 1 కప్పు క్యాబేజీ తురుము, 1 కప్పు క్యారెట్ తురుము, 1 కప్పు క్యాప్సికమ్ తురుము వేసి, స్టవ్‌ను తక్కువ మంట మీద ఉంచి 10-12 నిమిషాలు వేయించండి.

ఉడికించిన బంగాళదుంపలను పొట్టు తీసి, చేతితో మెత్తగా నలిపి, ఈ మిశ్రమంలో కలపండి.అన్నీ బాగా కలిసేలా జాగ్రత్తగా కదిలించండి.2 నిమిషాల తర్వాత, అర టీస్పూన్ కారం, రుచికి సరిపడా ఉప్పు, 1/4 టీస్పూన్ జీరా పౌడర్, అర టీస్పూన్ గరం మసాలా వేసి మళ్లీ కలపండి.అనంతరం అర నిమ్మకాయ రసం పిండి, మరోసారి బాగా కలుపుకోండి.

స్టవ్ ఆఫ్ చేసి, మిశ్రమం కాస్త చల్లారిన తర్వాత, దాన్ని చిన్న చిన్న బంతుల్లా చుట్టండి.ఒక గిన్నెలో అర కప్పు కార్న్ ఫ్లోర్ తీసుకొని, కొద్దిగా నీళ్లు పోసి లిక్విడ్ పేస్ట్‌లా తయారు చేయండి.ఒక్కో బంతిని ఈ కార్న్ ఫ్లోర్ పేస్ట్‌లో ముంచి, తర్వాత బ్రెడ్ క్రమ్స్‌లో పొరలుగా అద్దుకోండి.

బ్రెడ్ క్రమ్స్: మార్కెట్‌లో సిద్ధంగా లభిస్తాయి. లేకపోతే, బ్రెడ్ స్లైస్‌ల అంచులను తొలగించి, తెల్లని భాగాన్ని నలిపి పొడిగా చేస్తే బ్రెడ్ క్రమ్స్ సిద్ధం.

ఈ బంతులను బ్రెడ్ క్రమ్స్‌లో బాగా పొరలు వచ్చేలా అద్దుకోండి.ఐస్‌క్రీమ్ స్టిక్‌లను తీసుకొని, ఒక్కో బంతిలో గుచ్చి లాలీపాప్ ఆకారంలో తయారు చేయండి.స్టవ్ మీద పాన్ పెట్టి, డీప్ ఫ్రైకి సరిపడా నూనె వేసి వేడి చేయండి.నూనె వేడెక్కిన తర్వాత, లాలీపాప్‌లను వేసి, గోల్డెన్ బ్రౌన్ రంగు వచ్చే వరకు వేయించండి. అంతే! నోరూరించే వెజ్ లాలీపాప్‌లు సిద్ధం! ఇవి పార్టీలకు స్టార్టర్‌గా లేదా సాయంత్రం స్నాక్‌గా అద్భుతంగా ఉంటాయి.