Okra water with honey: రోజూ ఖాళీ కడుపుతో బెండకాయ నీరు తేనె కలిపి తాగితే ఎన్ని లాభాలో తెలుసా..?
Okra water with honeyరోజూ ఉదయం ఖాళీ కడుపుతో బెండకాయ నీరు తేనె కలిపి తాగితే ఎన్నో ఆరోగ్య ప్రయోజనాలు లభిస్తాయి. బెండకాయ కూరగాయల్లో ఒకటి, ఇందులో అనేక పోషకాలు ఉన్నాయి. ఇది శారీరక, మానసిక ఆరోగ్యానికి చాలా మేలు చేస్తుంది. బెండకాయ నీటిని ఉదయం తేనెతో కలిపి తీసుకోవడం వల్ల ఆరోగ్యంలో గణనీయమైన మెరుగుదల కనిపిస్తుంది. ఈ రోజు ఈ పానీయం తాగడం వల్ల శరీరంలో ఏం మార్పులు వస్తాయో తెలుసుకుందాం.
బరువు తగ్గాలనుకునేవారు ఈ నీటిని క్రమం తప్పకుండా ఖాళీ కడుపుతో తాగితే, వారంలో బరువు తగ్గడం ఖాయం. బెండకాయ బరువు తగ్గించడమే కాక, చర్మాన్ని మెరిసేలా చేస్తుంది మరియు చర్మం పొడిబారకుండా కాపాడుతుంది.
బెండకాయ ఆరోగ్యానికి ఒక బ్రహ్మాస్త్రం లాంటిది. శరీరంలో ఉత్పన్నమయ్యే హానికరమైన మూలకాలను తొలగించే శక్తి దీనికి ఉంది. బెండకాయ నీటిని తాగడం వల్ల ఆరోగ్యంలో అనేక సానుకూల మార్పులు వస్తాయి. అయితే, తేనె కలిపి తాగడం వల్ల ఆరోగ్యం మరింత మెరుగవుతుంది. ముఖ్యంగా ఉదయం సమయంలో ఈ నీటిని తీసుకోవడం ఉత్తమం. రోజూ ఇలా చేస్తే శరీరంలో ఎలాంటి మార్పులు జరుగుతాయో చూద్దాం.
తేనెతో కలిపిన బెండకాయ నీరు ఆయుర్వేదం మరియు ఆధునిక శాస్త్రం రెండింటి ద్వారా నిరూపితమైన సాంప్రదాయ నివారణగా పోషకాహార నిపుణుడు, వెల్నెస్ కోచ్ ఇషా లాల్ ఇండియన్ ఎక్స్ప్రెస్తో పంచుకున్నారు.
తేనెతో బెండకాయ నీరు తాగడం వల్ల కలిగే ప్రయోజనాలు:
పేగు ఆరోగ్యం, మెరుగైన జీర్ణక్రియ: బెండకాయలో కరిగే ఫైబర్ పుష్కలంగా ఉంటుంది. దీన్ని నీటిలో నానబెట్టినప్పుడు జెల్ లాంటి స్థిరత్వం ఏర్పడుతుంది. ఇది పేగు లైనింగ్లోని సమస్యలను తగ్గిస్తుంది, ఆరోగ్యకరమైన ప్రేగు కదలికలను ప్రోత్సహిస్తుంది మరియు మలబద్ధకం సమస్యను తగ్గిస్తుంది.
రక్తంలో చక్కెర స్థాయిల నియంత్రణ: బెండకాయ నీరు రక్తంలో చక్కెర స్థాయిలను సమతుల్యం చేస్తుంది. ఇందులో ఫైబర్ మరియు యాంటీఆక్సిడెంట్లు అధికంగా ఉంటాయి. బెండకాయలోని మైరిసెటిన్, ఫ్లేవనాయిడ్లు వంటి సమ్మేళనాలు ఇన్సులిన్ సెన్సిటివిటీని మెరుగుపరుస్తాయి.
చర్మాన్ని యవ్వనంగా, ప్రకాశవంతంగా మార్చడం: బెండకాయలో విటమిన్ సి, యాంటీఆక్సిడెంట్లు, పాలీఫెనాల్స్ సమృద్ధిగా ఉంటాయి. ఇవి చర్మాన్ని యవ్వనంగా ఉంచడంలో సహాయపడతాయి, ముడతలను తగ్గిస్తాయి. తేనె సహజ హ్యూమెక్టెంట్గా పనిచేసి చర్మాన్ని తేమగా, మెరిసేలా చేస్తుంది.
బరువు నిర్వహణ: ఖాళీ కడుపుతో బెండకాయ నీరు తాగడం వల్ల దాని ఫైబర్ కంటెంట్ కారణంగా ఎక్కువసేపు కడుపు నిండిన భావన కలుగుతుంది. ఇది ఆకలిని తగ్గించి, అతిగా తినడాన్ని నివారిస్తుంది. తేనె కలిపి తాగితే జీవక్రియను మెరుగుపరుస్తుంది.
గుండె ఆరోగ్యం: బెండకాయ రసం కొలెస్ట్రాల్ స్థాయిలను తగ్గిస్తుంది, ముఖ్యంగా LDL (తక్కువ సాంద్రత లిపోప్రొటీన్) స్థాయిలను తగ్గించడంలో సహాయపడుతుంది.
రోగనిరోధక శక్తిని పెంచడం: బెండకాయ మరియు తేనె రెండూ మంటను తగ్గిస్తాయి. తేనెలో రోగనిరోధక శక్తిని పెంచే గుణాలు మరియు యాంటీమైక్రోబయల్ లక్షణాలు ఉన్నాయి, ఇవి కాలానుగుణ ఇన్ఫెక్షన్లతో పోరాడటానికి సహాయపడతాయి.
రోజూ ఉదయం ఈ పానీయం తీసుకోవడం వల్ల శరీరం మరియు చర్మ ఆరోగ్యంలో గణనీయమైన మెరుగుదల కనిపిస్తుంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.