Gunde Ninda Gudi Gantalu Rohini: ‘గుండె నిండా గుడి గంటలు’ రోహిణి అసలు రంగు ఇదే.. బుల్లితెరపై ఈ విలనిజం మామూలుగా లేదుగా!

Gunde Ninda Gudi Gantalu Rohini: ‘గుండె నిండా గుడి గంటలు’ రోహిణి అసలు రంగు ఇదే.. బుల్లితెరపై ఈ విలనిజం మామూలుగా లేదుగా!
స్టార్ మాలో ప్రసారమవుతున్న టాప్ రేటింగ్ సీరియల్ ‘గుండె నిండా గుడి గంటలు’ (Gunde Ninda Gudi Gantalu) బుల్లితెర ప్రేక్షకులను విపరీతంగా ఆకట్టుకుంటోంది.

బాలు, మీనా జంటకు ఎంత క్రేజ్ ఉందో.. ఈ సీరియల్‌లో విలనిజం పండిస్తున్న ‘రోహిణి’ క్యారెక్టర్‌కు కూడా అంతే క్రేజ్ ఉంది. అత్త ప్రభావతిని బురిడీ కొట్టిస్తూ, తాను పెద్ద కోటీశ్వరురాలినని నమ్మిస్తూ ఇంట్లో రాజభోగాలు అనుభవిస్తున్న రోహిణి అసలు కథ ఏంటి? ఆమె రియల్ లైఫ్ బ్యాక్‌గ్రౌండ్ ఏంటో ఇప్పుడు చూద్దాం.

రోహిణి కాదు.. ఆమె పేరు కళ్యాణి!
సీరియల్‌లో పెద్ద కోటీశ్వరురాలిగా, మలేషియా రిటర్న్ అని బిల్డప్ ఇచ్చే రోహిణి అసలు పేరు కళ్యాణి. ఆమెది ఓ సామాన్య మధ్యతరగతి కుటుంబం. అయితే, తన స్నేహితురాలు విద్య సలహాతో తన పేరు మార్చుకుని, ప్రభావతిని మభ్యపెట్టి ఆమె రెండో కొడుకు మనోజ్‌ను పెళ్లి చేసుకుంటుంది. తాను రాకుమారిలా బతుకుతూ.. తోడికోడలు మీనాను మాత్రం పనిమనిషిలా చూస్తుంటుంది.

పెళ్లికి ముందే కొడుకు.. ఆ రహస్యం దాగేనా?
రోహిణి పాత్రలో ఉన్న అతి పెద్ద ట్విస్ట్ ఏంటంటే.. ఆమెకు మనోజ్‌తో పెళ్లికి ముందే వివాహం జరిగి, ‘చింటూ’ అనే ఓ బాబు కూడా ఉంటాడు. భర్త చనిపోవడంతో ఆ బాబును వాళ్ల అమ్మ (సుగుణమ్మ) దగ్గర వదిలేసి, సిటీకి వచ్చి బ్యూటీషియన్‌గా మారుతుంది. ఈ నిజాన్ని దాచిపెట్టి మనోజ్‌ను పెళ్లి చేసుకోవడమే కాకుండా, తన గతాన్ని అడ్డుపెట్టుకుని బ్లాక్ మెయిల్ చేస్తున్న ‘దినేష్’ నుంచి తప్పించుకునేందుకు నానా తంటాలు పడుతుంటుంది.

రోహిణి పాత్రలో నటిస్తోంది ఎవరు?
బుల్లితెరపై తన కన్నింగ్ ఎక్స్‌ప్రెషన్స్‌తో ప్రేక్షకులకు కాలిపోయేలా చేస్తున్న ఈ రోహిణి పాత్రలో నటిస్తున్న నటి పేరు తులసి కృష్ణ (Tulasi Krishna). తన అద్భుతమైన నటనతో సీరియల్‌కు హైలైట్‌గా నిలిచింది. క్యారెక్టర్ నెగిటివ్ షేడ్స్‌తో ఉన్నప్పటికీ, ఆమె యాక్టింగ్‌కి బుల్లితెర ఆడియన్స్ ఫిదా అవుతున్నారు.

బాలు, మీనాలకు చుక్కలు చూపిస్తూ..
ఇంట్లో మీనాకు ఎప్పుడూ అత్త ప్రభావతి చేత మాటలు పడేలా చేయడం, బాలు మీద చాడీలు చెప్పడంలో రోహిణి ఎప్పుడూ ముందుంటుంది. ‘మలేషియా మావయ్య’ (మటన్ మాణిక్యం) లాంటి ఫేక్ క్యారెక్టర్లను సృష్టించి ఆమె ఆడే నాటకాలు సీరియల్‌లో హైలైట్. ప్రస్తుతం ఆమె గర్భవతి అనే డ్రామా, అలాగే ఆమె పాత బండారం బయటపడే ఉత్కంఠభరితమైన ఎపిసోడ్స్ సీరియల్ టీఆర్పీని అమాంతం పెంచుతున్నాయి.

గమనిక: ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/