Funky OTT: ఓటీటీలోకి వచ్చేస్తున్న విశ్వక్ సేన్ కడుపుబ్బా నవ్వించే ‘ఫంకీ’.. స్ట్రీమింగ్ ఎక్కడ, ఎప్పటినుంచంటే?
Funky OTT: ఓటీటీలోకి వచ్చేస్తున్న విశ్వక్ సేన్ కడుపుబ్బా నవ్వించే ‘ఫంకీ’.. స్ట్రీమింగ్ ఎక్కడ, ఎప్పటినుంచంటే.. మాస్ కా దాస్ విశ్వక్ సేన్ (Vishwak Sen), ‘జాతి రత్నాలు’ ఫేమ్ అనుదీప్ కేవీ కాంబినేషన్లో వచ్చిన రీసెంట్ రొమాంటిక్ కామెడీ ఎంటర్టైనర్ ‘ఫంకీ’ (Funky).
ఫిబ్రవరి 13న ప్రేమికుల దినోత్సవం కానుకగా థియేటర్లలోకి వచ్చిన ఈ సినిమా.. ఇప్పుడు ఓటీటీ ప్రేక్షకులను అలరించేందుకు సిద్ధమైంది. థియేటర్లలో ఈ కామెడీ డ్రామాను మిస్ అయిన వాళ్లు ఓటీటీ రిలీజ్ కోసం ఆసక్తిగా ఎదురుచూస్తున్నారు.
స్ట్రీమింగ్ ప్లాట్ఫామ్, డేట్ ఫిక్స్!
థియేటర్లలో ఓ మోస్తరుగా ఆకట్టుకుని ‘యావరేజ్’ టాక్ తెచ్చుకున్న ఈ డిజిటల్ స్ట్రీమింగ్ హక్కులను ప్రముఖ ఓటీటీ దిగ్గజం నెట్ఫ్లిక్స్ (Netflix) దక్కించుకున్నట్లు తెలుస్తోంది. తాజా సమాచారం ప్రకారం.. ఈ సినిమా మార్చి 12 లేదా 13వ తేదీల్లో నెట్ఫ్లిక్స్లో స్ట్రీమింగ్ కానున్నట్లు గట్టి టాక్ వినిపిస్తోంది. త్వరలోనే దీనిపై ఓ అధికారిక ప్రకటన కూడా వెలువడనుంది.
లాజిక్స్ వద్దు.. కేవలం నవ్వులు మాత్రమే!
రిలీజ్కు ముందే నిర్మాత నాగవంశీ చెప్పినట్లుగా.. ఈ సినిమాలో పెద్దగా స్టోరీ, లాజిక్స్ వెతక్కుండా కేవలం నవ్వుకోవడానికి వెళ్లిన ప్రేక్షకులకు ఇది బాగానే కనెక్ట్ అయ్యింది. అనుదీప్ మార్క్ కామెడీ, పంచ్ డైలాగ్స్, విశ్వక్ సేన్ ఎనర్జిటిక్ యాక్షన్ సినిమాకు హైలైట్గా నిలిచాయి.
ఇక డ్రాగన్ బ్యూటీ కయాదు లోహర్ తన అందచందాలతో కుర్రకారును ఆకట్టుకుంది.మొత్తానికి థియేటర్లలో టైమ్పాస్ ఎంటర్టైనర్గా నిలిచిన ‘ఫంకీ’.. ఓటీటీలో ఫ్యామిలీ ఆడియన్స్ను ఏ మేరకు మెప్పిస్తుందో చూడాలి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/