Gurukul School Admissions: ఏపీ విద్యార్థులకు గుడ్ న్యూస్.. గురుకుల పాఠశాలల్లో 5,924 సీట్లకు నోటిఫికేషన్..

Gurukul School Admissions: ఏపీ విద్యార్థులకు గుడ్ న్యూస్.. గురుకుల పాఠశాలల్లో 5,924 సీట్లకు నోటిఫికేషన్.. ఆర్థిక స్థోమత లేక తమ పిల్లలను మంచి స్కూల్స్‌లో చదివించలేకపోతున్నామని బాధపడే తల్లిదండ్రులకు ఏపీ ప్రభుత్వం గుడ్ న్యూస్ చెప్పింది.

రాష్ట్రవ్యాప్తంగా ఉన్న గురుకుల పాఠశాలల్లో (AP Residential Schools) ఉచిత విద్యతో పాటు ఉచిత భోజన, వసతి కల్పించేందుకు ‘APRS CAT 2026’ ప్రవేశ పరీక్ష నోటిఫికేషన్ విడుదల చేసింది. ఈ నోటిఫికేషన్ ద్వారా 5వ తరగతి నుంచి 8వ తరగతి వరకు ప్రవేశాలు కల్పించనున్నారు. మీ పిల్లలకు ఉజ్వల భవిష్యత్తును ఇచ్చే ఈ గొప్ప అవకాశం గురించి పూర్తి వివరాలు ఇప్పుడు తెలుసుకుందాం.

మొత్తం సీట్లు ఎన్ని ఉన్నాయంటే..
రాష్ట్రంలోని అన్ని జిల్లాల్లో బాలురు, బాలికలకు వేర్వేరుగా ఉన్న గురుకులాల్లో మొత్తం 5,924 సీట్లు అందుబాటులో ఉన్నాయి.

5వ తరగతికి: 4,080 సీట్లు
6, 7, 8వ తరగతులకు: 1,844 సీట్లు

ఎవరు అర్హులు? నిబంధనలు ఇవే:
విద్యార్థులు కచ్చితంగా ఆంధ్రప్రదేశ్ రాష్ట్రంలోనే చదువుతూ ఉండాలి.వరుసగా 4, 5, 6, 7 తరగతులు పాస్ అయి ఉండాలి.తల్లిదండ్రుల వార్షిక ఆదాయం కచ్చితంగా రూ.1 లక్ష లోపు మాత్రమే ఉండాలి.

వయోపరిమితి (ఏ తరగతికి ఎంత వయసు ఉండాలి?):
5వ తరగతి: 01-09-2015 నుంచి 31-08-2017 మధ్య పుట్టి ఉండాలి.

6వ తరగతి: 01-09-2014 నుంచి 31-08-2016 మధ్య పుట్టి ఉండాలి.

7వ తరగతి: 01-09-2013 నుంచి 31-08-2015 మధ్య పుట్టి ఉండాలి.

8వ తరగతి: 01-09-2012 నుంచి 31-08-2014 మధ్య పుట్టి ఉండాలి.

సీటు ఎలా ఇస్తారు?
ఏప్రిల్ 24న నిర్వహించే ప్రవేశ పరీక్షలో (Entrance Test) విద్యార్థులు సాధించిన మెరిట్ మార్కులు, రిజర్వేషన్ మరియు లోకల్ ఏరియా ఆధారంగా సీట్లను కేటాయిస్తారు.

ముఖ్యమైన తేదీలు గుర్తుపెట్టుకోండి:

ఆన్‌లైన్ దరఖాస్తులకు చివరి తేదీ: 31 మార్చి 2026

హాల్ టికెట్ డౌన్‌లోడ్: 15 ఏప్రిల్ 2026

ప్రవేశ పరీక్ష తేదీ: 24 ఏప్రిల్ 2026

ఫలితాల విడుదల: 15 మే 2026

ఎలా అప్లై చేయాలి?
అర్హత, ఆసక్తి ఉన్న విద్యార్థుల తల్లిదండ్రులు వెంటనే https://aprs.apcfss.in వెబ్‌సైట్‌ను సందర్శించి ఆన్‌లైన్ ద్వారా అప్లై చేసుకోవచ్చు. లాస్ట్ మినిట్ రద్దీని నివారించడానికి ముందుగానే దరఖాస్తు చేసుకోవడం మంచిది.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/