జుట్టు రాలడం పూర్తిగా ఆగాలా? ఇంట్లోనే 100% న్యాచురల్ షాంపూ తయారు చేసి ఒత్తుగా పెంచండి!

ఒకప్పుడు మన అమ్మమ్మలు తలస్నానానికి కుంకుడుకాయలు, శీకాయ వాడేవారు. అప్పట్లో వాళ్ల జుట్టు ఎంత పొడవుగా, దృఢంగా ఉండేదో మనకు తెలుసు. కానీ, ఇప్పుడు ఉరుకుల పరుగుల జీవితంలో మనమంతా మార్కెట్లో దొరికే కెమికల్ షాంపూల వైపు వెళ్తున్నాం. ఫలితంగా.. జుట్టు రాలడం, చుండ్రు లాంటి సమస్యలు మొదలవుతున్నాయి.

ఖరీదైన షాంపూలు వాడి విసిగిపోయారా? అయితే మీ వంటగదిలో ఉండే కేవలం 3 సింపుల్ వస్తువులతో ఎలాంటి సైడ్ ఎఫెక్ట్స్ లేని 100% న్యాచురల్ షాంపూ ఎలా తయారు చేసుకోవాలో ఇప్పుడు చూద్దాం!

కావాల్సిన పదార్థాలు (Ingredients):
మెంతులు: 1 టేబుల్ స్పూన్
కుంకుడు కాయలు: 10
మందార ఆకులు: 4

తయారీ విధానం (How to make):
ముందుగా ఒక స్పూన్ మెంతులను నీటిలో వేసి సుమారు 6 గంటల పాటు నానబెట్టండి.పది కుంకుడు కాయలను తీసుకొని, వాటిలోని గింజలను తీసేయండి. వీటిని వేరే గిన్నెలో నీళ్లు పోసి 3 నుంచి 4 గంటల పాటు నానబెట్టండి.

ఇప్పుడు ఒక మిక్సీ జార్ తీసుకొని.. అందులో నానిన మెంతులు, కుంకుడు కాయలు మరియు 4 మందార ఆకులు వేసి మెత్తగా గ్రైండ్ చేయండి.ఈ మిశ్రమాన్ని ఒక వస్త్రం లేదా జల్లెడతో వడకట్టుకోండి. అంతే.. మీ న్యాచురల్ షాంపూ రెడీ!ఒక చిన్న చిట్కా: ఈ వడకట్టిన లిక్విడ్‌ను మీరు ఫ్రిజ్‌లో పెట్టుకుంటే.. 10 రోజుల పాటు నిల్వ ఉంటుంది.

ఈ న్యాచురల్ షాంపూతో ఉపయోగాలు ఏంటి?
చుండ్రుకు చెక్: కుంకుడు కాయల్లో ఉండే సహజసిద్ధమైన క్లెన్సింగ్ గుణాలు తల (Scalp) మీద ఉండే మురికిని, ఫంగస్‌ను పూర్తిగా తొలగిస్తాయి. దీనివల్ల చుండ్రు సమస్య మాయం అవుతుంది.

పొడవాటి కురులు: మెంతులు జుట్టు మూలాల్లోకి వెళ్లి కుదుళ్లను బలోపేతం చేస్తాయి. ఇది జుట్టు రాలడాన్ని అరికట్టి, జుట్టు ఒత్తుగా పెరిగేలా చేస్తుంది.

తేమ & మృదుత్వం: కెమికల్ షాంపూలు జుట్టును పొడిగా మారుస్తాయి. కానీ, ఈ న్యాచురల్ షాంపూలో వాడిన మందార ఆకులు, కుంకుడుకాయల్లోని విటమిన్లు జుట్టుకు పోషణను అందించి, జుట్టు తేమగా, పట్టుకుచ్చులా మెరిసేలా చేస్తాయి.

ఇంకెందుకు ఆలస్యం? ఈ వీకెండ్ తలస్నానానికి ఈ న్యాచురల్ షాంపూను ట్రై చేసి చూడండి. మీ జుట్టులో వచ్చే మార్పును మీరే గమనిస్తారు!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/