కేంద్ర ప్రభుత్వ బంపర్ ఆఫర్: ఎలాంటి గ్యారెంటీ లేకుండా రూ. 3 లక్షల రుణం.. ఎవరు అర్హులు? ఎలా అప్లై చేయాలి?

చేతివృత్తులు మరియు చిన్నపాటి వ్యాపారాలు చేసుకునే వారిని ఆర్థికంగా ఆదుకోవడానికి కేంద్ర ప్రభుత్వం ఒక అద్భుతమైన పథకాన్ని తీసుకువచ్చింది. అదే ‘పీఎం విశ్వకర్మ యోజన’ (PM Vishwakarma Yojana). ఈ పథకం కింద ఎవరైనా తమ కులవృత్తిని లేదా చేతివృత్తిని డెవలప్ చేసుకోవడానికి ఎలాంటి ఆస్తులు తాకట్టు పెట్టకుండానే లక్షల రూపాయల రుణాన్ని చాలా తక్కువ వడ్డీకే పొందవచ్చు.

పీఎం విశ్వకర్మ యోజన ప్రయోజనాలు:
ఉచిత శిక్షణ & భృతి: దరఖాస్తు చేసుకున్న వారికి వారి వృత్తిలో 5 నుండి 15 రోజుల పాటు ఉచితంగా శిక్షణ ఇస్తారు. శిక్షణ తీసుకుంటున్న రోజుల్లో రోజుకు ₹500 చొప్పున స్టైపెండ్ కూడా మీ అకౌంట్‌లో జమ చేస్తారు.

టూల్‌కిట్ కోసం డబ్బులు: శిక్షణ పూర్తయిన తర్వాత, పరికరాలు (టూల్ కిట్) కొనుగోలు చేసుకోవడానికి అదనంగా ₹15,000 ఉచితంగా ఇస్తారు. ఈ డబ్బును తిరిగి చెల్లించాల్సిన అవసరం లేదు.

రూ. 3 లక్షల లోన్: వ్యాపారాన్ని విస్తరించుకోవడానికి మొదటి విడతలో లక్ష రూపాయలు, అది సరిగ్గా చెల్లిస్తే రెండో విడతలో 2 లక్షల రూపాయలు.. మొత్తం రూ. 3 లక్షల రుణాన్ని కేవలం 5% వడ్డీతో ఎలాంటి పూచీకత్తు (గ్యారెంటీ) లేకుండా ఇస్తారు.

ఎవరు అర్హులు?
వడ్రంగులు, దర్జీలు (టైలర్స్), స్వర్ణకారులు, కమ్మరులు, కుమ్మరులు, మేస్త్రీలు, రజకులు (బట్టలు ఉతికేవారు), క్షౌరకారులు (బార్బర్స్), పూల దండలు కట్టేవారు.. ఇలా మొత్తం 18 రకాల చేతివృత్తుల వారు ఈ పథకానికి దరఖాస్తు చేసుకోవడానికి అర్హులు. వయసు 18 సంవత్సరాలు నిండి ఉండాలి.

ఎలా దరఖాస్తు చేసుకోవాలి?
మీకు దగ్గర్లోని ఏదైనా ‘కామన్ సర్వీస్ సెంటర్’ (CSC) లేదా మీ సేవా కేంద్రానికి వెళ్లి ఆన్‌లైన్‌లో దరఖాస్తు చేసుకోవచ్చు. దీనికి ఆధార్ కార్డ్, బ్యాంక్ పాస్ బుక్ మరియు మొబైల్ నెంబర్ లింక్ అయి ఉండటం తప్పనిసరి.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.