తెల్ల జుట్టు నల్లగా, ఒత్తుగా మారాలా? మీ వంటగదిలో ఉండే ఈ గింజలే బెస్ట్ మెడిసిన్

ప్రస్తుత రోజుల్లో కాలుష్యం, ఒత్తిడి, పోషకాహార లోపం వల్ల జుట్టు రాలడం (Hair Fall), చుండ్రు, చిన్న వయసులోనే తెల్ల జుట్టు రావడం లాంటి సమస్యలు సర్వసాధారణంగా మారిపోయాయి. రాలిపోతున్న జుట్టును చూసి ఆందోళన చెందుతూ.. మార్కెట్లో దొరికే రకరకాల షాంపూలు, నూనెలు వాడి విసిగిపోయారా?

అయితే మీ వంటగదిలో ఉండే ఓ అద్భుతమైన ఔషధం గురించి మీరు తెలుసుకోవాల్సిందే. అవే ‘కలోంజి గింజలు’ (Kalonji Seeds). నల్ల జీలకర్ర (Black Cumin) లేదా ఉల్లి గింజలు అని కూడా పిలిచే ఈ కలోంజి గింజలు జుట్టు సమస్యలకు ఒక బ్రహ్మాస్త్రంలా పనిచేస్తాయి.

జుట్టుకు కలోంజి గింజలతో కలిగే అద్భుత ప్రయోజనాలు:
కొత్త జుట్టు మొలుస్తుంది: కలోంజి గింజల్లో ‘నిగెల్లోన్’, ‘థైమోక్వినోన్’ అనే శక్తివంతమైన యాంటీ ఆక్సిడెంట్లు ఉంటాయి. ఇవి తల మాడు (Scalp) పై రక్త ప్రసరణను మెరుగుపరిచి, రాలిపోయిన చోట కొత్త జుట్టు వేగంగా పెరిగేలా చేస్తాయి.

తెల్ల జుట్టుకు చెక్: చిన్న వయసులోనే జుట్టు తెల్లబడుతుంటే (Premature Graying) కలోంజి గింజలు అద్భుతంగా పనిచేస్తాయి. ఇందులోని లినోలెయిక్ యాసిడ్ జుట్టు నల్లగా, నిగనిగలాడేలా చేస్తుంది.

చుండ్రు, ఇన్ఫెక్షన్లు మాయం: కలోంజిలోని యాంటీ ఫంగల్, యాంటీ బ్యాక్టీరియల్ లక్షణాలు చుండ్రును (Dandruff) శాశ్వతంగా తరిమికొడతాయి. తల మాడుపై ఉండే దురద, ఇన్ఫెక్షన్లను తగ్గిస్తాయి.

జుట్టు కుదుళ్లకు బలం: జుట్టు పలుచబడిపోయి, నిర్జీవంగా మారిన వారికి ఇది మంచి టానిక్‌లా పనిచేస్తుంది. జుట్టు కుదుళ్లను బలోపేతం చేసి దట్టంగా పెరిగేలా చేస్తుంది.

కలోంజి గింజలను ఎలా వాడాలి?
1. కలోంజి హెయిర్ ఆయిల్ (Kalonji Hair Oil):
ఒక గిన్నెలో కొద్దిగా కొబ్బరి నూనె లేదా ఆముదం తీసుకుని, అందులో ఒక టేబుల్ స్పూన్ కలోంజి గింజల పొడి వేసి సన్నని మంటపై వేడి చేయాలి. ఈ నూనె చల్లారాక వడకట్టి, కుదుళ్లకు బాగా పట్టించాలి. రాత్రి పూట రాసుకుని ఉదయం తలస్నానం చేస్తే చాలా మంచి రిజల్ట్ ఉంటుంది.

2. కలోంజి హెయిర్ ప్యాక్ (Hair Pack):
రెండు స్పూన్ల కలోంజి గింజలను నీటిలో నానబెట్టి మెత్తగా పేస్ట్ చేయాలి. ఇందులో కొద్దిగా కలబంద (Aloe Vera) గుజ్జు లేదా పెరుగు కలిపి జుట్టుకు ప్యాక్‌లా వేసుకోవాలి. అరగంట తర్వాత షాంపూతో స్నానం చేస్తే జుట్టు పట్టుకుచ్చులా మారుతుంది.

వారానికి కనీసం రెండు సార్లు ఈ చిట్కాలను పాటిస్తే.. జుట్టు రాలడం ఆగిపోయి, ఒత్తుగా, పొడవుగా పెరగడం గ్యారెంటీ!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com