పేలు, చుండ్రు వేధిస్తున్నాయా? ఒక్క రూపాయి ఖర్చు లేకుండా శాశ్వతంగా చెక్!

పిల్లల్లో ఎక్కువగా కనిపించే పేల సమస్య.. ఒక్కసారి తలకెక్కిందంటే అంత తేలిగ్గా వదలదు. పేలు, చుండ్రు వల్ల వచ్చే విపరీతమైన దురదతో చాలామంది పడే ఇబ్బంది అంతా ఇంతా కాదు. నలుగురిలోకి వెళ్లినప్పుడు తల గోక్కోలేక తీవ్ర ఇబ్బంది పడుతుంటారు.

వీటిని వదిలించుకోవడానికి మార్కెట్లో దొరికే ఖరీదైన షాంపూలు, నూనెలు, క్రీమ్స్ వాడి విసిగిపోయారా? అయితే మీ ఇంట్లో, పెరట్లో దొరికే న్యాచురల్ ఆకులతోనే వీటికి శాశ్వతంగా చెక్ పెట్టొచ్చు. అదెలాగో ఇప్పుడు చూద్దాం.

ఈ అద్భుతమైన ‘హెర్బల్ పేస్ట్’ తయారీకి కావాల్సినవి:దీనికోసం మనం ఎక్కడో వెతకాల్సిన అవసరం లేదు. కేవలం ఈ 5 వస్తువులు ఉంటే చాలు.

తులసి ఆకులు – 10
పుదీనా ఆకులు – 10
వెల్లుల్లి రెబ్బలు (తొక్క తీసినవి) – 5
వేపాకు – ఒక గుప్పెడు
నిమ్మరసం – అర చెక్క

ఎలా తయారు చేయాలి? ఎలా వాడాలి?
ముందుగా ఒక మిక్సీ జార్ తీసుకుని అందులో తులసి, పుదీనా, వేపాకు, వెల్లుల్లి రెబ్బలు వేయాలి.

అందులోనే అరచెక్క నిమ్మరసం పిండి, కొద్దిగా నీళ్లు చల్లి మెత్తని పేస్ట్‌లా గ్రైండ్ చేసుకోవాలి.

ఇప్పుడు ఈ అద్భుతమైన పేస్ట్‌ను జుట్టు కుదుళ్లకు (మాడుకు) బాగా పట్టేలా అప్లై చేయాలి.

కచ్చితంగా ఒక గంట పాటు ఆరనిచ్చి, ఆ తర్వాత కుంకుడు కాయలతో తలస్నానం చేయాలి.

ఇలా వారంలో కేవలం రెండు సార్లు చేస్తే చాలు.. పేలు, చుండ్రు పూర్తిగా రాలిపోతాయి.

ఈ చిట్కా ఎందుకు అంత పవర్‌ఫుల్ అంటే:
తులసి, పుదీనా: ఇందులోని యాంటీ ఫంగల్, యాంటీ బ్యాక్టీరియల్, మరియు యాంటీ ఇన్ఫ్లమేటరీ గుణాలు జుట్టులో ఉన్న చుండ్రును, దురదను తక్షణమే తగ్గిస్తాయి.

వెల్లుల్లి, వేపాకు: వీటిలో ఉండే ఔషధ గుణాలు, ఘాటుకు పేలు చనిపోయి రాలిపోతాయి. తలలో ఎలాంటి ఇన్ఫెక్షన్ ఉన్నా మాయం అవుతుంది.

నిమ్మరసం: మాడు మీద పేరుకుపోయిన దుమ్ము, ధూళిని క్లీన్ చేసి దురదను తగ్గిస్తుంది.

ఎలాంటి సైడ్ ఎఫెక్ట్స్ లేని ఈ న్యాచురల్ రెమిడీని ఈ రోజే ట్రై చేసి చూడండి. పేలు, చుండ్రు సమస్య జీవితంలో మళ్లీ మీ దరిచేరదు!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com