పార్లర్కి వెళ్లే పని లేకుండా.. ఇంట్లో ఉండే వాటితోనే మెడ నలుపుకు ఇలా చెక్ పెట్టండి!
Skin Care Tips: చాలామంది ముఖం సౌందర్యంపై తీసుకున్నంత శ్రద్ధ మెడపై తీసుకోరు. దీనివల్ల ఎండ ప్రభావం, హార్మోన్ల మార్పులు లేదా మురికి పేరుకుపోయి మెడ చుట్టూ చర్మం నల్లగా, మందంగా మారుతుంది. ముఖం తెల్లగా మెరిసిపోతూ, మెడ భాగం నల్లగా ఉంటే నలుగురిలో కాస్త ఇబ్బందిగానే ఉంటుంది.
అయితే దీనికోసం వేలకు వేలు ఖర్చు చేసి క్రీములు వాడాల్సిన అవసరం లేదు. మన వంటగదిలో ఉండే కొన్ని సహజ సిద్ధమైన పదార్థాలతోనే మెడ చుట్టూ ఉన్న నలుపును సులభంగా వదిలించుకోవచ్చు. మీ మెడను మృదువుగా, కాంతివంతంగా మార్చే ఆ అద్భుతమైన ఇంటి చిట్కాలు ఏంటో ఇప్పుడు చూద్దాం!
మీ మెడ చుట్టూ నలుపు వెంటనే పోవాలంటే ఇలా చేయండి చాలు.. కొంతమందికి మెడ మీద చర్మం నల్లగా ఉంటుంది. ఎన్ని రకాల ప్రయత్నాలు చేసిన పెద్దగా ప్రయోజనం ఉండదు. మార్కెట్ లో దొరికే క్రీమ్స్ వాడటం కన్నా మన ఇంటిలో సహజసిద్దంగా దొరికే కొన్ని వస్తువులతో మెడను తెల్లగా మార్చుకోవచ్చు. ఈ చిట్కా కోసం కేవలం రెండు ఇంగ్రిడియన్స్ మాత్రమే ఉపయోగిస్తున్నాం.
గుప్పెడు వేప ఆకులను శుభ్రంగా కడిగి మెత్తని పేస్ట్ గా చేయాలి.ఈ పేస్ట్ లో కొంచెం పసుపు కలిపి మెడ మీద నలుపు ఉన్న ప్రదేశంలో రాయాలి. ఉదయం స్నానం చేయటానికి అరగంట ముందు ఇలా చేస్తే సరిపోతుంది. ప్రతి రోజు ఇలా చేస్తే క్రమంగా మెడ మీద ఉన్న నలుపు తొలగిపోతుంది.
ఈ చిట్కా చాలా ఎఫెక్టివ్ గా పనిచేస్తుంది.
వేపాకు,పసుపులో ఉండే లక్షణాలు చర్మం మీద నలుపును తొలగించటానికి సహాయపడటమే కాకుండా చర్మం పొడిగా లేకుండా చేస్తుంది. చర్మం మీద దద్దుర్లు,దురద వంటి సమస్యలు కూడా తగ్గుతాయి. వేపాకు చాలా సులభంగానే దొరుకుతుంది. ఒకవేళ వేపాకు దొరక్కపోతే మార్కెట్ లో దొరికే వేప పొడిని వాడవచ్చు.
ఈ పేస్ట్ జుట్టు సమస్యలకు కూడా బాగా పని చేస్తుంది. ఈ పేస్ట్ ని జుట్టుకి పట్టించి అరగంట అయ్యాక తలస్నానం చేస్తే చుండ్రు,జుట్టు రాలే సమస్య వంటి అన్నీ రకాల సమస్యలు తొలగిపోతాయి. వేప,పసుపులను పురాతన కాలం నుండి వాడుతున్నారు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com