గురువారం నాడు అరటి చెట్టును ఎందుకు పూజిస్తారో తెలుసా? వెనుకున్న రహస్యం ఇదే!

హిందూ సంప్రదాయంలో ప్రతి రోజుకు, ప్రతి చెట్టుకు ఒక ప్రత్యేకమైన ప్రాముఖ్యత ఉంటుంది. చాలామంది గురువారం రాగానే భక్తిశ్రద్ధలతో అరటి చెట్టుకు పూజలు చేస్తుంటారు. అయితే, అసలు గురువారం నాడే అరటి చెట్టును ఎందుకు పూజించాలి? అదృష్టాన్ని ఇచ్చే ఈ చెట్టు వెనక ఉన్న జ్యోతిష్య, ఆధ్యాత్మిక రహస్యాలు ఏంటో ఇప్పుడు వివరంగా తెలుసుకుందాం.

సాక్షాత్తూ విష్ణుమూర్తి స్వరూపం
పండితుల అభిప్రాయం ప్రకారం, అరటి చెట్టును సాక్షాత్తూ శ్రీ మహావిష్ణువు స్వరూపంగా భావిస్తారు. అందుకే గురువారం నాడు అరటి చెట్టును భక్తితో పూజించడం వల్ల విష్ణుమూర్తి ఆశీస్సులు మెండుగా లభిస్తాయి. ఈ పూజ వల్ల జీవితంలో అష్టైశ్వర్యాలు సిద్ధిస్తాయని, కోరిన కోరికలు నెరవేరుతాయని భక్తుల విశ్వాసం.

గురు గ్రహ దోషాల నివారణ
జ్యోతిష్య శాస్త్రం ప్రకారం.. అరటి మొక్కకు అద్భుతమైన శక్తులు ఉంటాయి. ఈ చెట్టుకు గురు (బృహస్పతి) గ్రహంతో నేరుగా సంబంధం ఉంటుంది. జాతకంలో గురు గ్రహం బలహీనంగా ఉన్నవారు ప్రతి గురువారం అరటి చెట్టుకు పసుపు, కుంకుమ సమర్పించి పూజించడం చాలా మంచిది. దీనివల్ల జాతక దోషాలు తొలగిపోయి గురు గ్రహ బలం పెరుగుతుంది. ఫలితంగా అదృష్టం కలిసి వస్తుంది.

శుభకార్యాల్లో అరటి ఆకులకు పెద్దపీట
హిందూ పండుగలు, శుభకార్యాలు ఏవి జరిగినా ప్రధాన ద్వారానికి అరటి ఆకులను లేదా బోదెలను తోరణాలుగా కట్టడం మన సంప్రదాయం. అలాగే దేవుడికి నైవేద్యం సమర్పించాలన్నా, అతిథులకు భోజనం వడ్డించాలన్నా అరటి ఆకునే ఉపయోగిస్తారు. ఇది అత్యంత పవిత్రతకు, స్వచ్ఛతకు ప్రతీకగా నిలుస్తుంది.

ఇంట్లో అరటి మొక్క ఉంటే కలిగే అద్భుత ప్రయోజనాలు
ఇంటి ఆవరణలో అరటి మొక్కను నాటడం వల్ల ఎన్నో ప్రయోజనాలు ఉన్నాయి. క్రమం తప్పకుండా అరటి మొక్కకు పూజలు చేయడం వల్ల ఇంట్లోని ప్రతికూల శక్తులు (నెగెటివ్ ఎనర్జీ) దూరమవుతాయి. కుటుంబంలో సుఖసంతోషాలు వెల్లివిరుస్తాయి. జీవితంలో ఎదురయ్యే కష్టాలు, సమస్యలు అన్నీ తొలగిపోయి.. ఆనందకరమైన జీవితం మీ సొంతం అవుతుంది.

(గమనిక: గురువారం రోజు ఉదయాన్నే స్నానం చేసి, పసుపు రంగు దుస్తులు ధరించి అరటి చెట్టుకు పూజ చేయడం మరింత శుభప్రదంగా పరిగణిస్తారు.)

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com