కాలి పగుళ్లు వేధిస్తున్నాయా? ఈ చిట్కాతో 4 రోజుల్లో మాయం!

చలికాలం వచ్చిందంటే చాలు.. చాలామందిని వేధించే అతిపెద్ద సమస్య పాదాల పగుళ్లు (Cracked Heels). మొదట్లో చిన్నగా అనిపించినా, నిర్లక్ష్యం చేస్తే నడవడానికి కూడా తీవ్ర ఇబ్బందిగా మారుతుంది. ఏమాత్రం పట్టించుకోకుండా వదిలేస్తే సోరియాసిస్ వంటి తీవ్రమైన చర్మ సమస్యలకు దారి తీసే ప్రమాదం ఉంది.

పార్లర్ల చుట్టూ తిరిగి డబ్బులు వృథా చేసుకోకుండా, మన ఇంట్లో రెగ్యులర్‌గా వాడే వస్తువులతోనే ఈ కాలి పగుళ్లకు సులభంగా చెక్ పెట్టొచ్చు. అదెలాగో ఇప్పుడు చూద్దాం.

అసలు కాలి పగుళ్లు ఎందుకు వస్తాయి… పాదాలు పగడటానికి కేవలం చలికాలమే కాదు, మన జీవనశైలి కూడా ఒక కారణమే:
వాతావరణంలో తేమ లేకపోవడం, పొడి గాలి.
ఆహారంలో సరైన పోషకాలు లోపించడం.
గట్టి నేల మీద ఎక్కువ గంటలు నిలబడి ఉండటం.
మధుమేహం (డయాబెటిస్), థైరాయిడ్ లాంటి ఆరోగ్య సమస్యలు.
పాదాల పట్ల కనీస జాగ్రత్తలు తీసుకోకపోవడం.

పగిలిన పాదాలకు చెక్ పెట్టే ‘న్యాచురల్ రెమిడీ’… ఈ సింపుల్ ఇంటి చిట్కాతో పగిలిన మీ పాదాలను మళ్లీ స్మూత్‌గా, ఎట్రాక్టివ్‌గా మార్చుకోవచ్చు.

కావాల్సిన పదార్థాలు:
బంగాళాదుంప రసం – 1 స్పూన్
నిమ్మరసం – అర స్పూన్
తెలుపు రంగు టూత్ పేస్ట్ – కొద్దిగా

వాడే విధానం:
ముందుగా ఒక చిన్న బౌల్ తీసుకుని అందులో ఒక స్పూన్ బంగాళాదుంప రసం, అర స్పూన్ నిమ్మరసం వేయాలి.

అందులోనే కొద్దిగా వైట్ కలర్ టూత్ పేస్ట్ వేసి పేస్ట్‌లా అయ్యేంతవరకు బాగా కలుపుకోవాలి.

ఈ మిశ్రమాన్ని పగుళ్లు ఉన్నచోట అప్లై చేసి, కనీసం 2 నిమిషాల పాటు సున్నితంగా మసాజ్ చేయాలి.

అలా రాసిన తర్వాత ఒక 15 నిమిషాల పాటు ఆరనిచ్చి, ఆ తర్వాత చల్లని నీటితో శుభ్రంగా కడిగేసుకోవాలి.

ఇలా వరుసగా ఒక 4 రోజుల పాటు చేస్తే.. కాలి పగుళ్లు పూర్తిగా మాయమై పాదాలు మృదువుగా మారడం మీరే గమనిస్తారు.

ఈ చిట్కా ఎందుకు అద్భుతంగా పనిచేస్తుంది?
ఈ రెమిడీలో వాడిన బంగాళాదుంప ఒక నాచురల్ బ్లీచింగ్ ఏజెంట్‌లా పనిచేసి పగుళ్ల తీవ్రతను తగ్గిస్తుంది. ఇక నిమ్మరసంలోని ఆమ్ల గుణాలు చర్మంపై ఉన్న మృతకణాలను (Dead cells) తొలగించి, రఫ్‌గా, పొడిబారిపోయిన పాదాలను తిరిగి స్మూత్‌గా మారుస్తాయి. ఇంకెందుకు ఆలస్యం, ఈ రోజే ట్రై చేయండి!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com