టాలీవుడ్ కుబేరులు వీరే.. ఆస్తుల లెక్కలు తెలిస్తే మైండ్ బ్లాక్ అవ్వాల్సిందే! టాప్ ప్లేస్లో ఎవరంటే?
సినిమాల్లో కోట్లు రెమ్యునరేషన్ తీసుకునే మన టాలీవుడ్ హీరోలు, ఆ డబ్బును కేవలం బ్యాంకుల్లోనే ఉంచడం లేదు. రియల్ ఎస్టేట్, మల్టీప్లెక్స్ వ్యాపారాలు, స్టూడియోలు అంటూ తెలివిగా పెట్టుబడులు పెట్టి వేల కోట్లకు పడగలెత్తుతున్నారు. మరి టాలీవుడ్లో అత్యంత ధనవంతులైన ఆ టాప్ స్టార్లు ఎవరు? పాన్ ఇండియా హీరోలైన ప్రభాస్, బన్నీ, చరణ్ ఆస్తుల విలువెంతో చూద్దాం!
హీరోల సంపాదన అనగానే మనకు ముందుగా గుర్తొచ్చేది వాళ్లు తీసుకునే భారీ రెమ్యునరేషన్. కానీ, ఈనాటి స్టార్ హీరోలు కేవలం నటనపైనే ఆధారపడకుండా విభిన్న రంగాల్లో పెట్టుబడులు పెడుతున్నారు. వ్యాపారవేత్తలుగానూ సత్తా చాటుతూ తమ సంపదను అనూహ్యంగా పెంచుకుంటున్నారు. అలా టాలీవుడ్లోనే అత్యధిక ఆస్తులు కూడబెట్టి టాప్ ప్లేస్లో ఉన్న ఏడుగురు హీరోల వివరాలు ఇక్కడ ఉన్నాయి.
1. అక్కినేని నాగార్జున (అంచనా: రూ. 3,010 కోట్లు)
నటుడిగానే కాకుండా బిజినెస్ మ్యాన్గానూ కింగ్ అనిపించుకుంటున్నారు నాగార్జున. టాలీవుడ్ రిచెస్ట్ హీరోల జాబితాలో ఆయనదే అగ్రస్థానం. అన్నపూర్ణ స్టూడియోస్ ద్వారా వచ్చే ఆదాయానికి తోడు, N3 రియాల్టీ పేరుతో రియల్ ఎస్టేట్, హాస్పిటాలిటీ, మీడియా రంగాల్లో ఆయన భారీగా పెట్టుబడులు పెట్టారు. దీంతో ఆయన నికర ఆస్తుల విలువ ఏకంగా 3,000 కోట్ల రూపాయలకు పైనే ఉంటుందని ట్రేడ్ వర్గాల టాక్.
2. మెగాస్టార్ చిరంజీవి (అంచనా: రూ. 1,650 కోట్లు)
నాలుగు దశాబ్దాలుగా తెలుగు సినీ పరిశ్రమలో మకుటం లేని మహారాజుగా వెలుగొందుతున్న చిరంజీవి, ఆస్తుల పరంగా రెండో స్థానంలో ఉన్నారు. సినిమాల ద్వారా దక్కిన ఆదాయంతో పాటు హైదరాబాద్, చెన్నైలలో అత్యంత ఖరీదైన ఆస్తులు కొనుగోలు చేశారు. వివిధ వ్యాపారాల్లో ఉన్న పెట్టుబడులు అన్నీ కలిపితే ఆయన ఆస్తుల విలువ దాదాపు రూ. 1,650 కోట్ల వరకు ఉంటుందని సమాచారం.
3. రామ్ చరణ్ (అంచనా: రూ. 1,370 కోట్లు)
గ్లోబల్ స్టార్గా ఇంటర్నేషనల్ పాపులారిటీ తెచ్చుకున్న రామ్ చరణ్.. వ్యాపారాల్లోనూ రాణిస్తున్నారు. సినిమాలకు తీసుకునే భారీ పారితోషికం, బ్రాండ్ ఎండార్స్మెంట్లకు తోడు.. కొణిదెల ప్రొడక్షన్ కంపెనీ, అపోలో హాస్పిటల్స్ కుటుంబంతో ఉన్న బంధం ఆయన ఆర్థిక స్థానాన్ని మరింత బలోపేతం చేశాయి. గతంలో ట్రూజెట్ ఎయిర్లైన్స్ ద్వారా కూడా బిజినెస్ చేసిన చరణ్ మొత్తం ఆస్తుల విలువ రూ. 1,370 కోట్ల పైనే.
4. జూనియర్ ఎన్టీఆర్ (అంచనా: రూ. 571 కోట్లు)
‘ఆర్ఆర్ఆర్’ తో గ్లోబల్ రేంజ్కి ఎదిగిన తారక్.. తన మార్కెట్ను భారీగా పెంచుకున్నారు. హైదరాబాద్, బెంగళూరు వంటి నగరాల్లో ఆయనకు విలువైన ప్రాపర్టీలు ఉన్నాయి. కాస్ట్లీ కార్ల కలెక్షన్తో పాటు, పలు కార్పొరేట్ బ్రాండ్స్కు ప్రచారం చేయడం ద్వారా కూడా భారీగా ఆర్జిస్తున్న ఎన్టీఆర్ ఆస్తుల విలువ సుమారు రూ. 571 కోట్లుగా అంచనా.
5. అల్లు అర్జున్ (అంచనా: రూ. 460 కోట్లు)
‘పుష్ప’ సినిమాతో పాన్ ఇండియా ఐకాన్ స్టార్గా మారిన అల్లు అర్జున్.. ఒకవైపు కమర్షియల్ యాడ్స్ చేస్తూనే, వ్యాపార రంగంలోనూ అడుగుపెట్టారు. ఏషియన్ సినిమాస్తో కలిసి హైదరాబాద్లో ‘AAA’ మల్టీప్లెక్స్ను ప్రారంభించారు. జూబ్లీహిల్స్లో ఖరీదైన బంగ్లా, ప్రైవేట్ జెట్, లగ్జరీ కార్ల కలెక్షన్.. ఇలా అన్నీ కలిపితే బన్నీ ఆస్తులు రూ. 460 కోట్లు ఉంటాయని అంచనా.
6. మహేష్ బాబు (అంచనా: రూ. 273 కోట్లు)
సూపర్ స్టార్ మహేష్ బాబు సినిమాలతో పాటు యాడ్స్ ద్వారా అత్యధికంగా ఆర్జిస్తున్న హీరో. ఏఎంబీ (AMB) సినిమాస్ పేరుతో మల్టీప్లెక్స్ బిజినెస్లోకి అడుగుపెట్టి సక్సెస్ అయ్యారు. దీనికి తోడు దుబాయ్, బెంగళూరులలో కొనుగోలు చేసిన ఖరీదైన ప్రాపర్టీలతో కలిపి ఆయన ఆస్తుల విలువ రూ. 273 కోట్ల వరకు ఉంటుందని తెలుస్తోంది.
7. ప్రభాస్ (అంచనా: రూ. 241 కోట్లు)
బాక్సాఫీస్ వద్ద వెయ్యి కోట్ల రికార్డులను అలవోకగా కొడుతున్న పాన్ ఇండియా స్టార్ ప్రభాస్.. ఒక్కో సినిమాకు రూ. 100 కోట్లకు పైగానే తీసుకుంటున్నారు. హైదరాబాద్లో విశాలమైన ఫామ్ హౌస్, ఇటలీలో ఓ ప్రాపర్టీతో పాటు లగ్జరీ కార్లు ఆయన సొంతం. అయితే, మిగతా హీరోల తరహాలో ఆయన ఇతర వ్యాపారాల్లో పెద్దగా పెట్టుబడులు పెట్టకపోవడంతో, ఆయన ఆస్తుల విలువ సుమారు రూ. 241 కోట్లుగా అంచనా వేస్తున్నారు.
గమనిక: పైన పేర్కొన్న ఆస్తుల వివరాలు కేవలం వివిధ జాతీయ మీడియా సంస్థలు, ఫోర్బ్స్ జాబితాలు, మరియు ట్రేడ్ వర్గాల అంచనాల ఆధారంగా ఇచ్చినవి మాత్రమే. ఇవి కచ్చితమైన అధికారిక లెక్కలు కాకపోవచ్చు.
గమనిక:ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com