డీమార్ట్‌లో షాపింగ్ చేస్తున్నారా? అయితే మీ డబ్బును ఆదా చేసే స్మార్ట్ టిప్స్ ఇవే!
సామాన్యులు, మధ్యతరగతి కుటుంబాలకు ‘డీమార్ట్’ (DMart) అంటే ఒక కల్పతరువు లాంటిది. నెలవారీ కిరాణా సరుకులు మొదలుకొని దుస్తులు, ఎలక్ట్రానిక్ వస్తువుల వరకు అన్నీ ఒకేచోట.. అదీ తక్కువ ధరలకే దొరుకుతుండటంతో డీమార్ట్‌కు క్యూ కట్టేవారి సంఖ్య రోజూ పెరుగుతూనే ఉంటుంది. ‘ఒకటి కొంటే ఒకటి ఉచితం’, ’50 శాతం తగ్గింపు’ లాంటి ఆఫర్లు కస్టమర్లను ఇట్టే ఆకర్షిస్తాయి.
అయితే, తక్కువ ధరకు వస్తున్నాయి కదా అని లోపలికి వెళ్లగానే అవసరం లేనివి కూడా బుట్టలో వేసేస్తుంటాం. అలా కాకుండా, డీమార్ట్‌లో ఇంకొంచెం తెలివిగా షాపింగ్ చేస్తే మీ నెలవారీ బడ్జెట్‌లో భారీగా డబ్బులు ఆదా చేసుకోవచ్చు. అదెలాగో ఈ స్మార్ట్ టిప్స్ ద్వారా తెలుసుకుందాం.
1. పక్కా లిస్ట్‌తోనే వెళ్లండి:
డీమార్ట్‌కు వెళ్లే ముందు ఇంట్లో ఏమేం కావాలో కచ్చితంగా ఒక లిస్ట్ రాసుకోండి. లోపలికి వెళ్లగానే రంగురంగుల ప్యాకింగ్‌లు, డిస్కౌంట్ బోర్డులు చూసి టెంప్ట్ అవ్వడం సహజం. కానీ, చేతిలో లిస్ట్ ఉంటే మీ ఫోకస్ కేవలం అవసరమైన వస్తువుల మీదే ఉంటుంది. అప్పుడు అనవసరమైనవి కొనకుండా ఉంటారు. దీనివల్ల టైమ్, డబ్బు రెండూ సేవ్ అవుతాయి.
2. పెద్ద ప్యాకెట్లు – బల్క్ షాపింగ్:
బియ్యం, నూనె, పప్పులు, సర్ఫ్, సబ్బులు వంటివి త్వరగా పాడవ్వవు. ఇలాంటివి చిన్న చిన్న ప్యాకెట్లు కొనే బదులు, పెద్ద ప్యాక్‌లు (బల్క్) లేదా కాంబో ఆఫర్లలో కొనుగోలు చేస్తే రేటు చాలా వర్కవుట్ అవుతుంది. అయితే ఎంత బల్క్ గా కొన్నా, వాటి ఎక్స్‌పైరీ డేట్ (గడువు తేదీ) చెక్ చేసుకోవడం మాత్రం మర్చిపోవద్దు.
3. ఆఫర్ల వేట:
డీమార్ట్‌లో ప్రతిరోజూ కొన్ని ఎంపిక చేసిన వస్తువుల మీద స్పెషల్ ఆఫర్లు నడుస్తూనే ఉంటాయి. లోపలికి వెళ్లగానే మీ లిస్ట్‌లో ఉన్న వస్తువుల్లో వేటిపై ఎక్కువ డిస్కౌంట్ ఉందో ముందే చెక్ చేసుకోండి. ఏ ప్రొడక్ట్ మీదైతే ఎక్కువ ఆదా అవుతుందో దానికే తొలి ప్రాధాన్యం ఇవ్వండి.
4. డీమార్ట్ సొంత బ్రాండ్స్‌ను పరిశీలించండి:
ప్రముఖ బ్రాండ్లతో పాటు డీమార్ట్ తన సొంత బ్రాండ్ ఉత్పత్తులను కూడా అమ్ముతుంది. వాటి నాణ్యత ఏమాత్రం తీసిపోకుండా ఉంటుంది, పైగా బయటి బ్రాండ్ల కంటే ధర చాలా తక్కువగా ఉంటుంది. అలాగే, ఎక్స్‌పైరీ డేట్ దగ్గరపడుతున్న వస్తువులపై డీమార్ట్ భారీ డిస్కౌంట్లు (క్లియరెన్స్ సేల్ లాగా) ఇస్తుంది. మీరు కొన్న రెండు, మూడు రోజుల్లోనే వాడేసే వస్తువులు ఏవైనా ఉంటే.. అలాంటివి తీసుకోవడం బెస్ట్.
5. రద్దీ లేని రోజుల్లో వెళ్లండి:
నెల మొదటి వారం (జీతాలు వచ్చే టైమ్), శని, ఆదివారాల్లో డీమార్ట్ జాతరలా కిటకిటలాడుతుంది. అంత రద్దీలో వస్తువుల ధరలు సరిగ్గా చూసుకుని, ప్రశాంతంగా షాపింగ్ చేయలేం. అందుకే సోమ, మంగళవారాల్లో లేదా మధ్యాహ్నం వేళల్లో వెళ్తే రద్దీ తక్కువగా ఉంటుంది. అప్పుడు ప్రశాంతంగా వస్తువులను చెక్ చేసుకుంటూ షాపింగ్ చేసుకోవచ్చు.
చూశారుగా.. ఈ చిన్న చిన్న చిట్కాలు పాటిస్తే చాలు, డీమార్ట్‌లో మీ నెలవారీ బడ్జెట్ నుంచి కచ్చితంగా కొంత అమౌంట్ మీ జేబులో మిగులుతుంది!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com