ఉమెన్స్ డే…ఉద్యోగినులకు హాలీడే
అంతర్జాతీయ మహిళా దినోత్సవం వచ్చేసింది. మార్చి 8న ఉద్యోగినులకు సెలవు దినంగా తెలంగాణ ప్రభుత్వం ప్రకటించింది. దీనిని స్పెషల్ క్యాజువల్ లీవ్గా పరిగణించాలని ఉత్తర్వులు జారిచేశారు అధికారులు. ప్రతీ ఏటా మార్చి 8న అంతర్జాతీయ మహిళా దినోత్సవం సందర్భంగా ఉద్యోగినులకు సెలవు దినంగా ప్రకటిస్తూ ఉమ్మడి ఏపీ రాష్ట్రం నుంచి అమలులో ఉంది.
అయితే ఈ ఉత్తర్వులను పలువురు అధికారులు పాటించడం లేదంటూ తెలంగాణ నాన్ గెజిటెడ్ అధికారుల సంఘం నేతలు ప్రభుత్వం దృష్టికి తీసుకెళ్లారు. ఈ నేపధ్యంలో ప్రభుత్వం మరోమారు ఉత్తర్వులు జారీ చేసింది.