శ్రీ విష్ణు ఫెవరెట్ హీరోయిన్ ఎవరో తెలుసా?

తెలుగు విభిన్నమైన కథలను విలక్షణమైన పాత్రలకు ప్రాధాన్యత ఇచ్చే కథానాయకులలో శ్రీవిష్ణు ఒకరుగా కనిపిస్తాడు. బ్రోచేవారెవరురా తర్వాత ఆ స్థాయి హిట్ ను అందుకోవడానికి ఆయన నానా తంటాలు పడుతున్నాడు. తాజా ఇంటర్వ్యూలో ఆయన మాట్లాడుతూ….. హీరోయిన్లు గ్లామర్ పరంగా, నటన పరంగా మంచి మార్కులు కొట్టేస్తున్నారు. పాత్రపై తమదైన ముద్ర వేస్తూ అభిమానుల హృదయాలను గెలుచుకుంటున్నారు. నేను పార్వతి మీనన్ నటనను ఎక్కువగా ఇష్టపడతాను.

ఆమె నటన చాలా సహజంగా ఉంటుంది. ఎలాంటి పాత్రనైనా ఆమె చాలా సింపుల్ గా చేసేస్తారు. అందువలనే ఆమె చాలా తక్కువ కాలంలోనే మలయాళంలో బిజీ అయ్యారు. ఆమెతో కలసి నటించాలని ఉంది. ఇక కథానాయకుల విషయానికి వస్తే…. తెలుగులో హీరోలంతా ఇష్టమే… వెంకటేష్ అంటే మరి కొంచెం ఎక్కువ ఇష్టం. చదువుకునే రోజుల్లో అయన సినిమాలు వదలకుండా చూసేవాడిని బొబ్బిలిరాజా తర్వాత వెంకటేష్ గారి వీరాభిమాని అయ్యాను. ఆ అభిమానం ఇప్పటికీ అలా కొనసాగుతూనే ఉంది అని చెప్పుకొచ్చాడు.