దర్శకేంద్రుని సినిమాపై జోరుగా చర్చ- హీరోయిన్స్ ఎవరో తెలుసా ?

Raghavendra Rao Movies :టాలీవుడ్ లో దర్శకేంద్రుడు కె రాఘవేంద్రరావు 100కు పైగా సినిమాలు డైరెక్ట్ చేసి, ఎందరో హీరోల కెరీర్ నిలబెట్టాడు. మహేష్ బాబు, అల్లు అర్జున్, శ్రీకాంత్ , ఇలా ఎందరినో లాంచ్ చేసి ఇండస్ట్రీ లో నిలబడేలా చేసారు. ప్రస్తుతం 78 ఏళ్ల వయసులో ముఖానికి మేకప్ వేసుకోబోతున్నారు. రాఘవేంద్రరావు చుట్టూ తిరిగే ఓ స్టోరీలో ఆయన ముఖ్యపాత్ర పోషించబోతున్నారు.

ప్రముఖ రచయిత, నటుడు, దర్శకుడు తనికెళ్ల భరణి దర్శకత్వం వహించనున్న ఈ మూవీ పూర్తి కమర్షియల్ హంగులతో రాబోతోందని అంటున్నారు. అంతేకాదు, ఈ మూవీలో ఏకంగా నలుగురు హీరోయిన్లు నటించనున్నారు. ఇప్పటికే ముగ్గురు హీరోయిన్లు ఒకే అయ్యారట. సమంత, శ్రియ, రమ్యకృష్ణలు కూడా ఈ సినిమాలో నటించడానికి ఒకే చెప్పారట.

రమ్యకృష్ణకు గ్లామరస్ ఇమేజ్ తెచ్చిన ఘనత రాఘవేంద్రరావు నటించే సినిమాలో ఆమె నటించడం ఓ విశేషం. టాలీవుడ్ టాప్ హీరోయిన్ సమంత ఒకే చెప్పడం మరో విశేషం. శ్రియ కూడా ఈ సినిమాలో మరో కీలక పాత్ర పోషిస్తుండగా, ఇక నాలుగో హీరోయిన్ ఎవరా అని చర్చ నడుస్తోంది. మొత్తానికి నలుగురు హీరోయిన్స్ తో దర్శకేంద్రుడు నటించే సినిమా ఇండస్ట్రీలోనే కాదు, జనంలో కూడా ఆసక్తి రేపుతోంది.