అహ నా పెళ్ళంట సినిమాకి పోటీ వచ్చిన సినిమాల పరిస్థితి…?

Aha Naa Pellanta Movie : జంధ్యాల మార్క్ కామెడీతో రాజేంద్ర ప్రసాద్, రజనీ జంటగా నటించిన అహ నా పెళ్ళంట మూవీ బ్లాక్ బస్టర్ అయింది. సురేష్ ప్రొడక్షన్స్ బ్యానర్ పై డాక్టర్ రామానాయుడు తీసిన ఈ మూవీ 1987నవంబర్ 27న రిలీజయింది.

జంధ్యాల తన దైన బాణీలో కథ, కధనం, మాటలు అందించి విజయాన్ని చేకూర్చారు. 16లక్షల బడ్జెట్ తో తీసిన ఈ మూవీ ఏకంగా 5కోట్లు కలెక్ట్ చేసింది.రమేష్ నాయుడు సంగీతం ఈ సినిమాలో పాటలను అలరించేలా చేసింది. ఈ మూవీకి 9రోజుల ముందు భానుమతి గారి మొగుడు మూవీ లో బాలయ్య సరసన విజయశాంతి నటించింది. రెండు వారాలు బాగానే కలెక్షన్స్ రాబట్టింది. ఏ కోదండ రామిరెడ్డి డైరెక్షన్ లో వచ్చిన ఈ మూవీ ఎబో ఏవరేజ్ అయింది.

డాక్టర్ రాజశేఖర్ , జీవిత జంటగా నటించిన ఆహుతి మూవీ డిసెంబర్ 3న వచ్చింది. కోడి రామకృష్ణ డైరెక్షన్ లో వచ్చిన ఈ మూవీ ఎబో ఏవరేజ్ గా నడిచింది. ఇక సూపర్ స్టార్ కృష్ణ నటించిన ముద్దుబిడ్డ డిసెంబర్ 4న వచ్చింది. తొలి రెండు వారాలు రన్నింగ్ బాగున్నా, ప్లాప్ టాక్ తెచ్చేసుకుంది. పి చంద్రశేఖర్ రెడ్డి డైరెక్షన్ చేసారు.