రెండు జడలు.. పెద్ద కళ్ళజోడు.. అమాయకపు నవ్వు…గుర్తు పట్టారా…?

Tollywood heroine anjali : సోషల్ మీడియాలో సెలబ్రిటీలు యాక్టివ్ గా ఉండడంతో అన్ని విషయాలు బయటకు వస్తున్నాయి. చిన్ననాటి ఘటనలు, ఫోటోలను కూడా షేర్ చేస్తున్నారు. తాజాగా రెండు జడలు వేసుకొని పెద్ద కళ్ళజోడు పెట్టుకొని అమాయకంగా నవ్వుతు కనిపిస్తున్న ఓ హీరోయిన్ చిన్నప్పటి ఫోటో చక్కర్లు కొడుతోంది. తెలుగు, తమిళ్ భాషల్లో సినిమాలు చేస్తూ, సత్తా చాటుతున్న ఈమె తెలుగమ్మాయే.

అయితేనేం ముందుగా తమిళ్ సినిమాతో ఎంట్రీ ఇచ్చి, ఆతర్వాత తెలుగులో నటించి మంచి హిట్స్ అందుకుంది. నటన పరంగా మంచి మార్కులు కొట్టేసిన ఈ అమ్మడు ఎవరంటే, అందాల భామ అంజలి. తమిళ్ లో వచ్చిన షాపింగ్ మాల్ సినిమాతో పరిచయం అయ్యింది. ఈ సినిమా తెలుగులో డబ్బింగ్ తో ఆకట్టుకుంది.

ఇక జర్నీ సినిమాతో మంచి గుర్తింపు తెచ్చుకున్న అంజలి.. సూపర్ స్టార్ మహేష్ బాబు, వెంకటేష్ కలిసి నటించిన సీతమ్మ వాకిట్లో సిరిమల్లె చెట్టు సినిమాతో మంచి క్రేజ్ తెచ్చుకుంది. అయితే తర్వాత పెద్దగా ఛాన్స్ లు రాలేదు. వచ్చినా దెబ్బతిన్నాయి. ఇక కొన్ని సినిమాల్లో కీలక పాత్రలో నటించింది. అంతేకాదు, సూర్య సింగం2, అల్లు అర్జున్ నటించిన సరైనోడు సినిమాల్లో స్పెషల్ సాంగ్స్ తో అలరించింది.