NTR ‘ఊపిరి’ సినిమాని రిజెక్ట్ చేయటానికి కారణం ఏమిటి?
Nagarjuna Oopiri Movie : ప్రతి అభిమాని తమ అభిమాన నటుని గురించి ఏదైనా విషయం తెలుస్తుందా అని ఎదురు చూస్తూ ఉంటారు. కింగ్ నాగార్జున, తమిళ హీరో కార్తి కాంబినేషన్ లో వచ్చిన మల్టీ స్టారర్ సినిమా ” ఊపిరి” ఎంతటి ఘన విజయాన్ని సాధించిందో మనకు తెలిసిన విషయమే.
ఈ సినిమా క్లాస్,మాస్ ఆడియన్స్ అందరికి చేరువ అయింది. ఈ సినిమాలో నాగార్జున మరియు కార్తి పోటీ పడి మరీ నటించారు. నాగార్జున వీల్ చైర్ కి పరిమితం అయిన కోటిశ్వరుని పాత్రలో,దొంగతనాలు చేసి డబ్బును తొందరగా సంపాదించాలనుకొనే దొంగ పాత్రలో కార్తి నటించారు.
ఈ సినిమాలో మొదట కార్తి స్థానంలో ఎన్టీఆర్ నటిస్తే బాగుంటుందని ఈ సినిమా దర్శకుడు వంశీ పైడిపల్లి భావించాడు. దాంతో యంగ్ టైగర్ ని కలిసి కథను కూడా వినిపించాడు. కథ కూడా ఎన్టీఆర్ కి నచ్చింది. ఇంకా షూటింగ్ తరువాయి అనే సమయంలో ఈ ప్రాజెక్ట్ నుంచి ఎన్టీఆర్ తప్పుకున్నాడనే వార్తలు వచ్చాయి.
కారణం ఏమిటా అని అరా తీస్తే ఆసక్తికరమైన విషయం ఒకటి వెలుగు చూసింది. ఈ సినిమాలో నాగార్జున కాళ్ళకు కార్తి సాక్స్ వేసే సన్నివేసం ఉంది. ఆ సన్నివేశాన్ని ఎన్టీఆర్ చేస్తే కనుక ఎన్టీఆర్ అభిమానులు హార్ట్ అవుతారనే ఉద్దేశంతో ఎన్టీఆర్ సైలెంట్ గా ఈ ప్రాజెక్ట్ నుండి తప్పుకున్నాడని సమాచారం.
