Paneer health benefits: పనీర్ తింటే ఎముకలు స్ట్రాంగ్ అవ్వడమే కాదు.. ఈ ప్రయోజనాలు కూడా..!
Paneer health benefits: పనీర్ తింటే ఎముకలు స్ట్రాంగ్ అవ్వడమే కాదు.. ఈ ప్రయోజనాలు కూడా.. పనీర్ అంటే ఇష్టం లేని వాళ్లు ఉండరు.. పనీర్ రుచిగా ఉండటంతో ఎన్నో రకాల వెరైటీలను చేసుకుంటారు.. పనీర్ తో చేసే ఏ వంటకమైనా చాలా రుచిగా ఉంటుంది. అలాగే పనీర్ ను తీసుకోవడం వల్ల మన ఆరోగ్యానికి కూడా మేలు కలుగుతుంది.
పాలు మన ఆరోగ్యానికి ఏ విధంగా అయితే మేలు చేస్తాయో పనీర్ కూడా అదే విధంగా మన ఆరోగ్యానికి మేలు చేస్తుంది. అయితే పనీర్ తో చేసే వంటకాలు రుచిగా ఉన్నప్పటికి దీనిని తినడానికి ఇష్టపడరు.. కానీ పనీర్ వారానికి ఒకసారైనా కూడా ఆహారంలో భాగం చేసుకోవాలని నిపుణులు చెబుతున్నారు
పనీర్ లో ఎన్నో పోషకాలు,ఎన్నో ఆరోగ్య ప్రయోజనాలు ఉన్నాయి. పనీర్ ని ఉదయం బ్రేక్ ఫాస్ట్ సమయంలో తీసుకుంటే ఎలాంటి ప్రయోజనాలు కలుగుతాయో చూద్దాం. రాత్రి సమయంలో పడుకొని ఉదయం లేచినప్పుడు దాదాపుగా 7 గంటల సమయం కడుపు ఖాళీగా ఉంటుంది.
అందువల్ల ఉదయం బ్రేక్ ఫాస్ట్ లో మంచి పోషకాలు ఉన్న ఆహారాన్ని తీసుకోవాలి. మంచి పోషకాలు ఉన్న ఆహారాలలో పనీర్ ఒకటి. దీనిలో మాంసకృత్తులు అధికంగా ఉంటాయి. ఉదయం బ్రేక్ ఫాస్ట్ సమయంలో పనీర్ తీసుకుంటే నెమ్మదిగా జీర్ణం అవ్వటమే కాకుండా కడుపు నిండిన అనుభూతి ఎక్కువసేపు ఉంటుంది.
ప్రోటీన్తో పాటు, పనీర్లో కొవ్వు, ఐరన్, కాల్షియం మరియు మెగ్నీషియం, విటమిన్ బి, విటమిన్ ఎ, విటమిన్ ఇ, సెలీనియం,సోడియం, పాటాషియం, ఫాస్పరస్, జింక్, యాంటీ ఆక్సిడెంట్స్ వంటివి సమృద్దిగా ఉంటాయి. ఉదయం సమయంలో తీసుకోవటం వలన రోజంతా హుషారుగా ఉంటారు.
దంతాలు బలంగా మరియు ఎముకలు ఆరోగ్యంగా ఉండటానికి మన శరీరానికి కాల్షియం అవసరం. పనీర్లో కాల్షియం సమృద్దిగా ఉండుట వలన ఎముకలు మరియు దంతాలకు మేలు చేస్తుంది. నొప్పులను తగ్గిస్తుంది. బరువు తగ్గాలనే ప్రణాళిక ఉన్న వారికి మంచి ఎంపిక అని చెప్పవచ్చు. ప్రోటీన్ సమృద్దిగా ఉండుట వలన బరువు తగ్గటానికి సహాయపడుతుంది.
డయాబెటిస్తో బాధపడేవారికి పనీర్ మంచిది. ఇందులో ఒమేగా 3 పుష్కలంగా ఉంటుంది, ఇది పిల్లల మానసిక అభివృద్ధికి మంచిది. పనీర్ రక్తపోటును నియంత్రిస్తుంది. అలాగే కొలెస్ట్రాల్ స్థాయిలను నియంత్రిస్తుంది. కాబట్టి ఇది గుండె జబ్బులతో బాధపడేవారికి కూడా ఉపయోగకరంగా ఉంటుంది.. అయితే లిమిట్ లో తీసుకుంటేనే ఇప్పుడు చెప్పిన ప్రయోజనాలను పొందవచ్చు.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ