Yoga:మీరూ మొదటిసారి యోగా చేస్తున్నారా.. ఈ తప్పులు అసలు చేయకండి..
ఆరోగ్యంగా ఉండాలంటే రోజూ తేలికపాటి యోగాసనాలు చేయడం చాలా ముఖ్యం. అయితే, యోగాను మొదటిసారి ప్రారంభించే వారిలో కొందరు కొంచెం భయపడతారు. ఎందుకంటే, “ఎలా చేయాలి?”, “సరిగా చేయకపోతే ఏమవుతుంది?” వంటి అనేక ప్రశ్నలు మనసులో మొదలవుతాయి.
ఆరోగ్యవంతమైన జీవనశైలి కోసం యోగాను అలవాటు చేసుకోవాలని చాలా మంది కోరుకుంటారు. కానీ, మొదటిసారి యోగా ప్రారంభించేవారు కొంత ఆందోళన చెందుతారు. యోగా నిపుణుల సలహా ప్రకారం, యోగా ప్రారంభించే ముందు కొన్ని ముఖ్యమైన విషయాలను గుర్తుంచుకోవాలి. ఈ సమయంలో చేసే తప్పిదాలు ఆరోగ్యంపై ప్రభావం చూపవచ్చు. అవేంటో ఇక్కడ తెలుసుకుందాం.
ఖాళీ కడుపుతో యోగా చేయాలి
నిపుణుల అభిప్రాయం ప్రకారం, యోగాను ఎల్లప్పుడూ ఖాళీ కడుపుతో చేయాలి. యోగా చేయడానికి అరగంట ముందు నీళ్లు తాగవచ్చు, కానీ కడుపులో ఆహారం లేకుండా చూసుకోవాలి. ఉదయం యోగా చేయలేకపోతే, అల్పాహారం తీసుకున్న కనీసం 3 గంటల తర్వాత యోగా చేయాలి. అల్పాహారం లేదా భోజనం తర్వాత వెంటనే యోగా చేయడం మానుకోవాలి. అల్పాహారం తర్వాత కనీసం 2 గంటల విరామం తప్పనిసరి.
యోగా ఆసనాలను సరైన క్రమంలో చేయాలి
యోగా సాధన చేసేటప్పుడు సరైన భంగిమలతో చేయడం చాలా ముఖ్యం. తప్పుగా చేసిన యోగా ప్రయోజనాలకు బదులు హాని కలిగించవచ్చు. ప్రతి యోగా భంగిమను ఎలా చేయాలో తెలుసుకోవడం అవసరం. శారీరక నొప్పులు లేదా అనారోగ్యం నుంచి ఉపశమనం కోసం యోగా చేస్తుంటే, నిపుణుడిని సంప్రదించి, సరైన యోగా భంగిమలను ఎంచుకోవాలి. తప్పు భంగిమలు ఎంచుకోవడం సమస్యను మరింత తీవ్రతరం చేయవచ్చు.
సరైన దుస్తుల ఎంపిక
యోగా చేయడానికి సౌకర్యవంతమైన దుస్తులను ఎంచుకోవడం కీలకం. శరీరానికి ఇబ్బంది కలగని, కాస్త లూజుగా ఉండే దుస్తులను ఎంచుకోవాలి. వాతావరణానికి తగిన దుస్తులు ధరించడం వల్ల యోగా సాధన సులభతరం అవుతుంది.
యోగా మ్యాట్ ఎంపిక
యోగా చేసే ముందు మ్యాట్ సౌకర్యవంతంగా ఉందో లేదో తనిఖీ చేయాలి. సౌకర్యవంతంగా లేని మ్యాట్ యోగా సాధన సమయంలో సమస్యలను కలిగిస్తుంది. మ్యాట్ జారిపోయేలా ఉండకూడదు, ఎందుకంటే జారడం వల్ల గాయాలు జరిగే అవకాశం ఉంది. అందువల్ల, మంచి నాణ్యత గల మ్యాట్ను ఎంచుకోవడంతో పాటు, దాని శుభ్రతపై కూడా శ్రద్ధ వహించాలి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ