Rava Laddu:ఈ సారి “రవ్వ లడ్డు” లు చేసేటప్పుడు ఈ టెక్నిక్ తో చేయండి మృదువుగా వస్తాయి

Rava Laddu:పాలు, పంచదార లేకుండా తయారయ్యే రవ్వ లడ్డు రుచి అద్భుతం, అమోఘం. ఒక్కసారి రుచి చూసినవారు మళ్లీ మళ్లీ తినాలని కోరుకుంటారు. ఈ లడ్డు తయారీ సులభం, ఎక్కువ రోజులు నిల్వ ఉంటుంది, చిన్న పిల్లలకు కూడా చాలా ఇష్టం. నోట్లో కరిగిపోయేంత మెత్తగా ఉండే ఈ రవ్వ లడ్డు తయారీకి కావాల్సిన పదార్థాలు, విధానం ఇక్కడ చూడండి.

కావలసిన పదార్థాలు
– బొంబాయి రవ్వ
– పటిక బెల్లం
– నెయ్యి
– జీడిపప్పు
– ఎండుద్రాక్ష
– పచ్చి కొబ్బరి తురుము
– యాలకల పొడి
– మిల్క్ పౌడర్

తయారీ విధానం

1. ముందుగా ఒక కప్పు పటిక బెల్లాన్ని మిక్సీలో మెత్తగా పొడి చేసుకోవాలి.

2. స్టవ్ మీద కడాయి పెట్టి, అందులో పావు కప్పు నెయ్యి వేసి వేడి చేయాలి. తర్వాత గుప్పెడు జీడిపప్పు వేసి సగం వేగిన తర్వాత గుప్పెడు ఎండుద్రాక్ష వేసి ఉబ్బేవరకు వేయించి, ఒక ప్లేట్‌లోకి తీసి పక్కన పెట్టుకోవాలి.

3. అదే కడాయిలోని నెయ్యిలో 1 కప్పు సన్నని బొంబాయి రవ్వ వేసి, కలుపుతూ వేయించాలి. రవ్వ రంగు మారడం ప్రారంభమైనప్పుడు అర కప్పు పచ్చి కొబ్బరి తురుము వేసి, రెండూ గోధుమ బంగారు రంగులోకి వచ్చేవరకు వేయించి, స్టవ్ నుంచి దించి ప్లేట్‌లో పక్కన పెట్టుకోవాలి.

4. ఇప్పుడు కడాయిలో గ్రైండ్ చేసిన పటిక బెల్లం పొడి (ముప్పావు కప్పు) వేసి, అందులో అర కప్పు నీళ్లు పోసి తక్కువ మంటపై ఉడికించాలి. పాకం జిడ్డుగా, నూనెలా మారిన తర్వాత కడాయిని స్టవ్ నుంచి దించి, అందులో పావు స్పూన్ యాలకల పొడి, వేయించిన రవ్వ మొత్తం వేసి కలిపి 10 నిమిషాలు అలాగే ఉంచాలి.

5. రవ్వ పాకాన్ని పీల్చుకొని కొంచెం మెత్తగా అయిన తర్వాత, వేయించిన జీడిపప్పు, ఎండుద్రాక్ష, 2-3 టేబుల్ స్పూన్ల మిల్క్ పౌడర్ వేసి బాగా కలపాలి. తర్వాత మిశ్రమాన్ని లడ్డూలుగా చుట్టుకోవాలి.

అంతే, రుచికరమైన రవ్వ లడ్డు సిద్ధం! ఇవి వారం రోజుల వరకు నిల్వ ఉంటాయి.