Nimmakaya Pulihora :చాలా సులభంగా తయారు చేసే “నిమ్మకాయ పులిహోర” ఇలా చేస్తే చాలా రుచిగా ఉంటుంది

Nimmakaya Pulihora :చాలా సులభంగా తయారు చేసే “నిమ్మకాయ పులిహోర” ఇలా చేస్తే చాలా రుచిగా ఉంటుంది.. నిమ్మకాయ పులిహోర అన్నంతో తయారు చేసే రుచికరమైన వంటకాల్లో ఒకటి. చాలా మంది దీనిని ఉదయం టిఫిన్‌గా ఇష్టపడతారు. ఈ పులిహోరను రాత్రి మిగిలిన అన్నంతో లేదా తాజాగా వండిన అన్నంతో తయారు చేస్తారు. కొందరు దీనిని దేవునికి నైవేద్యంగా కూడా సమర్పిస్తారు.

చాలా మందికి దీని తయారీ విధానం తెలిసినప్పటికీ, కొందరికి ఎన్నిసార్లు ప్రయత్నించినా రుచిగా తయారు చేయడం కష్టంగా ఉంటుంది. కింది విధానంలో నిమ్మకాయ పులిహోర తయారు చేస్తే రుచిగా, ఆకర్షణీయంగా ఉంటుంది. ఇప్పుడు దీనికి కావాల్సిన పదార్థాలు, తయారీ విధానం గురించి తెలుసుకుందాం.

నిమ్మకాయ పులిహోర తయారీకి కావాల్సిన పదార్థాలు:అన్నం: అర కిలో బియ్యంతో వండిన అన్నం
నిమ్మరసం: 4 లేదా 5 మీడియం సైజు నిమ్మకాయల నుండి తీసిన రసం
ఉప్పు: రుచికి సరిపడా

తాళింపు కోసం కావాల్సిన పదార్థాలు:నూనె: 4 టీస్పూన్లు
పల్లీలు: 3 టీస్పూన్లు
శనగపప్పు: 2 టీస్పూన్లు
మినపపప్పు: 2 టీస్పూన్లు
జీలకర్ర: 1 టీస్పూన్
ఆవాలు: 1 టీస్పూన్
పచ్చిమిర్చి ముక్కలు: రుచికి సరిపడా
ఎండుమిర్చి: 4
కరివేపాకు: 2 రెబ్బలు
పసుపు: 1 టీస్పూన్
తరిగిన కొత్తిమీర: కొద్దిగా

నిమ్మకాయ పులిహోర తయారీ విధానం:
ముందుగా ఒక గిన్నెలో అన్నం తీసుకుని, అది పొడిగా, చల్లగా ఉండేలా చేయాలి.నిమ్మరసంలో రుచికి సరిపడా ఉప్పు వేసి, ఉప్పు పూర్తిగా కరిగేలా కలపాలి. ఈ నిమ్మరసాన్ని అన్నంలో వేసి, అన్నం మొత్తానికి సమానంగా పట్టేలా బాగా కలుపుకోవాలి.

ఒక కళాయిలో నూనె వేసి కాగిన తర్వాత పల్లీలు, శనగపప్పు, మినపపప్పు వేసి వేయించాలి.ఇవి వేగిన తర్వాత, పసుపు, కొత్తిమీర మినహా మిగిలిన తాళింపు పదార్థాలన్నీ వేసి బాగా వేయించాలి.

చివరగా పసుపు, తరిగిన కొత్తిమీర వేసి స్టవ్ ఆఫ్ చేయాలి.ఈ తాళింపును నిమ్మరసం కలిపిన అన్నంలో వేసి, సమానంగా కలిపితే రుచికరమైన నిమ్మకాయ పులిహోర సిద్ధం.ఈ విధంగా తయారు చేసిన నిమ్మకాయ పులిహోర చాలా రుచిగా ఉంటుంది. పిల్లలు దీనిని ఎక్కువగా ఇష్టపడతారు. రాత్రి మిగిలిన అన్నంతో ఈ వంటకం తయారు చేయడం వల్ల ఆరోగ్య ప్రయోజనాలు కూడా కలుగుతాయి.