Amavasya:అమావాస్య రోజు కొన్ని పనులను చేయకూడదు.. ఎందుకంటే..

Amavasya:ప్రతి నెలా అమావాస్య, పౌర్ణమి రావడం సాధారణం. హిందూ సంప్రదాయంలో అమావాస్యకు ఉన్న ప్రాముఖ్యత గురించి ప్రత్యేకంగా చెప్పనవసరం లేదు. ఈ రోజు చంద్రుడు పూర్తిగా కనిపించడు. అమావాస్య రోజున కొన్ని పనులు చేయకూడదని పండితులు చెబుతారు. ఈ విషయాన్ని ఆచారంగానే కాక, సైన్స్ కూడా నిజమని సమర్థిస్తుంది. అవేంటో ఈ రోజు తెలుసుకుందాం.

ప్రయాణాలు: అమావాస్య రోజు ప్రయాణాలు వీలైనంతవరకు నివారించాలని పెద్దలు చెబుతారు. ఈ రోజు ప్రతికూల శక్తుల ప్రభావం ఎక్కువగా ఉంటుందని, దీనివల్ల ప్రమాదాలు జరిగే అవకాశం ఉందని నమ్ముతారు. ముఖ్యంగా రాత్రి సమయంలో ప్రయాణాలు వాయిదా వేయడం మంచిదని సలహా ఇస్తారు.

కొత్త వస్తువుల కొనుగోలు: అమావాస్య రోజున కొత్త దుస్తులు, వాహనాలు కొనడం ప్రతికూల ఫలితాలకు దారితీస్తుందని చెబుతారు. అలాగే, ఈ రోజు కొత్త పనులు ప్రారంభించకూడదు. కటింగ్, షేవింగ్, గోళ్లు కత్తిరించడం వంటివి కూడా నిషేధం అని పండితులు సూచిస్తారు.

శుభ కార్యక్రమాలు: అమావాస్య రోజున శుభ కార్యాలు, వివాహం నుండి చిన్న శుభ కార్యక్రమాల వరకు నిర్వహించరు. నిర్మాణ పనులు కూడా ఈ రోజు చేపట్టరు. అనవసర ఖర్చులు చేయడం వల్ల ఆర్థిక ఇబ్బందులు తలెత్తే అవకాశం ఉందని అంటారు.

మాంసాహారం: అమావాస్య రోజున మాంసాహారానికి దూరంగా ఉండాలని పండితులు సలహా ఇస్తారు. శాస్త్రీయంగా కూడా ఈ విషయం స్పష్టంగా చెప్పబడింది. వీలైనంతవరకు ఆకుకూరలు తినడం ఉత్తమమని సూచిస్తారు.

భార్యాభర్తలు: అమావాస్య రోజున భార్యాభర్తలు శారీరకంగా కలవడం వల్ల ప్రతికూల శక్తుల ప్రభావం ఎక్కువగా ఉంటుందని, ఇది సంతాన సమస్యలతో పాటు దంపతుల మధ్య ఇబ్బందులకు దారితీస్తుందని చెబుతారు.

సైన్స్ దృక్కోణం: పైన చెప్పినవన్నీ కేవలం నమ్మకాలు మాత్రమే అని కొందరు భావించవచ్చు. అయితే, సైన్స్ ప్రకారం కూడా దీనికి ఒక ఆధారం ఉంది. జ్యోతిష్య శాస్త్రంతో పాటు సైన్స్ కూడా చంద్రుడు మానవ మానసిక స్థితిపై ప్రభావం చూపుతాడని చెబుతుంది. చంద్రుడు కనిపించని అమావాస్య రోజున మనస్సుపై ప్రతికూల ప్రభావం పడుతుందని, అందుకే కొన్ని పనులకు దూరంగా ఉండాలని సలహా ఇస్తారు. అయితే, అమావాస్య రోజున పితృ దేవతలకు తర్పణాలు ఇవ్వడం శుభప్రదమని హిందూ శాస్త్రం చెబుతోంది.