Ullipaya Pesarattu:”ఉల్లిపాయ పెసరట్టు” ఇలా చేసి రుచి చూడండి. చాలా కమ్మగా ఉంటాయి
Ullipaya Pesarattu:పెసరట్టు రుచి గురించి మనందరికీ తెలిసిందే. ఇది తినడం వల్ల పెసలలోని పోషకాలు మనకు అందుతాయి. సరైన పద్ధతిలో చేస్తే పెసరట్టు రుచి అద్భుతంగా ఉంటుంది. పెసలు మన ఆరోగ్యానికి ఎంతో మేలు చేస్తాయి. అందుకే వీటిని అట్ల రూపంలో తయారు చేసి తింటే అనేక ప్రయోజనాలు కలుగుతాయి. ఇప్పుడు ఉల్లిపాయ పెసరట్టు తయారీకి కావాల్సిన పదార్థాలు మరియు తయారీ విధానాన్ని తెలుసుకుందాం.
ఉల్లిపాయ పెసరట్టు తయారీకి కావాల్సిన పదార్థాలు:
పెసలు – 2 కప్పులు
బియ్యం – 1 కప్పు
అల్లం – కొద్దిగా
పచ్చిమిర్చి – 4 లేదా 5
తరిగిన టమాట ముక్కలు – అర కప్పు
పెద్దగా తరిగిన ఉల్లిపాయ ముక్కలు – 1 కప్పు
జీలకర్ర – 2 టీస్పూన్లు
నూనె – 1 కప్పు
చిన్నగా తరిగిన ఉల్లిపాయ ముక్కలు – 1 కప్పు
ఉప్పు – తగినంత
ఉల్లిపాయ పెసరట్టు తయారీ విధానం:
ముందుగా పెసలు, బియ్యాన్ని శుభ్రంగా కడిగి 6–7 గంటల పాటు నీటిలో నానబెట్టాలి.తరువాత ఒక జార్లో నానబెట్టిన పెసలు, బియ్యం, అల్లం, పచ్చిమిర్చి, తరిగిన టమాట ముక్కలు, పెద్దగా తరిగిన ఉల్లిపాయ ముక్కలు, జీలకర్ర వేసి దోసె పిండి స్థాయిలో మెత్తగా రుబ్బుకోవాలి.
ఈ పిండిలో రుచికి సరిపడా ఉప్పు వేసి బాగా కలపాలి.ఒక పెనం మీద ఈ పిండిని దోసెలా వేయాలి.దోసె పైన చిన్నగా తరిగిన ఉల్లిపాయ ముక్కలు, కొద్దిగా నూనె వేసి ఎర్రగా కాల్చి ప్లేట్లోకి తీసుకోవాలి.
ఇలా చేస్తే రుచికరమైన ఉల్లిపాయ పెసరట్టు సిద్ధమవుతుంది. దీనిని పల్లీ చట్నీ లేదా కొబ్బరి చట్నీతో కలిపి తింటే మరింత రుచిగా ఉంటుంది.