Hair Fall:ఈ హెర్బల్ షాంపూలతో జుట్టు రాలడం తగ్గి, ఒత్తుగా, ఆరోగ్యంగా పెరుగుతుంది!
Hair Fall:ఈ హెర్బల్ షాంపూలతో జుట్టు రాలడం తగ్గి, ఒత్తుగా, ఆరోగ్యంగా పెరుగుతుంది.. జుట్టు రాలడం, చుండ్రు సమస్యలతో బాధపడేవారు మార్కెట్లో లభించే షాంపూలు, నూనెలు వాడుతూ ఉంటారు. అయితే, ఈ ఉత్పత్తులు కొన్నిసార్లు జుట్టు రాలడాన్ని మరింత పెంచుతాయి.
అమ్మాయిలు తమ జుట్టు ఒత్తుగా, పొడవుగా, ఆరోగ్యంగా కనిపించాలని కోరుకుంటారు, ఎందుకంటే అలాంటి జుట్టు ఆత్మవిశ్వాసాన్ని పెంచుతుంది. అందుకే, ఇంట్లో సహజసిద్ధమైన హెర్బల్ షాంపూలు తయారు చేసుకోవడం ఉత్తమం. ఈ షాంపూలను ఎలా తయారు చేయాలో ఇప్పుడు తెలుసుకుందాం.
1. ఉసిరికాయ హెర్బల్ షాంపు
ఉసిరికాయ జుట్టు ఒత్తుగా పెరగడానికి, రాలడాన్ని తగ్గించడానికి, చుండ్రు సమస్యను నియంత్రించడానికి, జుట్టును నల్లగా, నిగనిగలాడేలా చేయడానికి సహాయపడుతుంది.
తయారీ విధానం:
100 గ్రాముల ఉసిరి, 100 గ్రాముల కుంకుడుకాయ, 100 గ్రాముల సీకాకాయ, 50 గ్రాముల మెంతులను నీటిలో రాత్రంతా నానబెట్టి, ఉదయం పిసికి, తక్కువ మంటపై మరిగించి, నీరు సగానికి తగ్గే వరకు ఉడికించాలి. చల్లారిన తర్వాత వడకట్టి సీసాలో నిల్వ చేయాలి.
వాడకం: వారానికి రెండుసార్లు ఉపయోగించండి.
2. కొబ్బరి పాల షాంపూ
జుట్టును మృదువుగా, మెరిసేలా చేయడానికి కొబ్బరి పాలతో షాంపూ తయారు చేయవచ్చు.
తయారీ విధానం:
అర కప్పు కొబ్బరి పాలు, అర టీస్పూన్ విటమిన్ E నూనె (లేదా రోజ్మేరీ/లావెండర్/చమోమిలే నూనె), అర కప్పు లిక్విడ్ సోప్ కలపండి. గాజు సీసాలో నిల్వ చేయండి.
వాడకం: రెగ్యులర్గా ఉపయోగించవచ్చు. ఈ షాంపూని 15 రోజుల వరకు నిల్వ చేయవచ్చు. పొడి జుట్టుకు జోజోబా నూనె జోడించడం మంచిది.
3. కలబంద షాంపూ
కలబంద జెల్ జుట్టును మృదువుగా, పొడవుగా, ఒత్తుగా చేస్తుంది.
తయారీ విధానం:
అర కప్పు కలబంద జెల్, లిక్విడ్ సోప్, గ్లిజరిన్, అర టీస్పూన్ విటమిన్ E నూనె కలపండి. గాజు సీసాలో నిల్వ చేయండి.
వాడకం: రెగ్యులర్గా ఉపయోగించండి.
4. తేనె షాంపూ
తేనె జుట్టును తేమగా, హైడ్రేటెడ్గా, మృదువుగా, సిల్కీగా చేస్తుంది.
తయారీ విధానం:
½ కప్పు నీరు, 1 కప్పు లిక్విడ్ కాస్టిల్ సబ్బు, 1 టేబుల్ స్పూన్ తేనె కలపండి. గాజు సీసాలో నిల్వ చేయండి.
వాడకం: వారానికి రెండుసార్లు వాడండి.
5. జోజోబా ఆయిల్ షాంపూ: 1 టేబుల్ స్పూన్ తేలికపాటి షాంపూ, 1 టేబుల్ స్పూన్ గ్లిజరిన్, అర టేబుల్ స్పూన్ జోజోబా ఆయిల్, అర టేబుల్ స్పూన్ కొబ్బరి నూనె, అర కప్పు నీరు కలపండి. గాజు సీసాలో నిల్వ చేయండి.
వాడకం: రెగ్యులర్గా ఉపయోగించండి. ఈ షాంపూ నురుగు రాదు, కానీ జుట్టును శుభ్రంగా, మృదువుగా చేస్తుంది.
ఈ సహజసిద్ధమైన షాంపూలు జుట్టు ఆరోగ్యాన్ని పెంచి, రాలడాన్ని తగ్గిస్తాయి. వీటిని ఇంట్లో సులభంగా తయారు చేసి, మీ జుట్టును అందంగా, ఒత్తుగా మార్చుకోండి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ