Potato Tomato Curry:”ఆలూ టమాటా కర్రీ” ఇలా చేసి తినండి.. టేస్ట్ అస్సలు మరిచిపోరు
Potato Tomato Curry:”ఆలూ టమాటా కర్రీ” ఇలా చేసి తినండి.. టేస్ట్ అస్సలు మరిచిపోరు.. మనం వంటింట్లో టమాటాలను ఉపయోగించి వివిధ రకాల వంటకాలను తయారు చేస్తాం. టమాటాలను ఇతర కూరగాయలు, దుంపలతో కలిపి రుచికరమైన కూరలను వండుతాం.
అలాంటి వంటకాల్లో ఆలూ టమాటా కూర ఒకటి. ఈ కూర సరిగ్గా తయారు చేస్తే చాలా రుచిగా ఉంటుంది. ఆలుగడ్డలు, టమాటాలు రెండూ మన శరీరానికి ఆరోగ్యకరమైనవి. ఆలూ టమాటా కూరను ఎలా తయారు చేయాలి, దానికి కావాల్సిన పదార్థాలు ఏమిటి అనే వివరాలను ఇప్పుడు తెలుసుకుందాం.
ఆలూ టమాటా కూర తయారీకి కావాల్సిన పదార్థాలు:
ఉడికించిన ఆలుగడ్డలు – 3
టమాటాలు – పావు కిలో
తరిగిన ఉల్లిపాయ – 1
తరిగిన పచ్చిమిర్చి – 2
పసుపు – పావు టీస్పూన్
కారం – 1 టేబుల్ స్పూన్
ఉప్పు – రుచికి సరిపడా
నూనె – 2 టేబుల్ స్పూన్లు
కరివేపాకు – 1 రెబ్బ
తరిగిన కొత్తిమీర – కొద్దిగా
ఆలూ టమాటా కూర తయారీ విధానం:
ముందుగా ఉడికించిన ఆలుగడ్డల పొట్టు తీసి చిన్న ముక్కలుగా కోయాలి.టమాటాలను కూడా చిన్న ముక్కలుగా తరిగి పెట్టుకోవాలి.ఒక కళాయిలో నూనె వేసి వేడి చేయాలి. నూనె కాగిన తర్వాత తరిగిన ఉల్లిపాయ, పచ్చిమిర్చి వేసి వేగించాలి.
ఉల్లిపాయలు వేగిన తర్వాత తరిగిన టమాటాలు, రుచికి సరిపడా ఉప్పు వేసి బాగా కలపాలి. టమాటాలు మెత్తగా అయ్యే వరకు ఉడికించాలి.తర్వాత ఆలుగడ్డ ముక్కలు, కారం వేసి 5 నిమిషాల పాటు ఉడికించాలి.చివరగా కరివేపాకు, కొత్తిమీర వేసి కలిపి మరో 2 నిమిషాలు ఉడికించి స్టవ్ ఆపేయాలి.
ఇలా తయారైన ఆలూ టమాటా కూర చాలా రుచిగా ఉంటుంది. దీనిని అన్నం, చపాతీ, పుల్కా, దోసె, పులావ్లతో కలిపి తింటే ఎంతో ఆస్వాదించవచ్చు.