Atukula Chuduva:కారం కారంగా 10 నిమిషాల్లో కరకరలాడే “అటుకుల చుడువా”.. సింపుల్ గా చేసేయండి..

Atukula Chuduva:కారం కారంగా 10 నిమిషాల్లో కరకరలాడే “అటుకుల చుడువా”.. సింపుల్ గా చేసేయండి.. అటుకులు చాలా మందికి ఎంతో ఇష్టమైన ఆహారం. వీటిని పోహా లేదా మిక్చర్ రూపంలో తినడం సర్వసాధారణం. అటుకులు రుచికరంగా ఉండడమే కాక, ఆరోగ్యానికి కూడా మేలు చేస్తాయి.

ఇవి తేలికగా జీర్ణమవుతాయి కాబట్టి, ఎవరైనా సులభంగా తినవచ్చు. అటుకులతో తయారు చేసే చుడువా కూడా చాలా మందికి ఇష్టమైన స్నాక్. ఈ చుడువాను ఎలా తయారు చేయాలి, దానికి కావాల్సిన పదార్థాలు ఏమిటో ఇప్పుడు తెలుసుకుందాం.

అటుకుల చుడువా తయారీకి కావాల్సిన పదార్థాలు:
అటుకులు – అర కిలో
పల్లీలు – అర కప్పు
పుట్నాల పప్పు – అర కప్పు
జీలకర్ర – 1 టీస్పూన్
ఆవాలు – 1 టీస్పూన్
కారం – అర టీస్పూన్
పసుపు – అర టీస్పూన్
ఉప్పు – తగినంత
వెల్లుల్లి రెబ్బలు – 6
వెల్లుల్లి తురుము – 1 టీస్పూన్
ఎండు మిర్చి – 3
పచ్చిమిర్చి చీలికలు – 6
కరివేపాకు రెమ్మ – 1

అటుకుల చుడువా తయారీ విధానం:
మందపాటి పాత్రలో అటుకులను వేసి, గోధుమ రంగు వచ్చే వరకు కలుపుతూ వేయించాలి. వేగిన తర్వాత వీటిని ఒక ప్లేట్‌లోకి తీసి పక్కన పెట్టాలి.అదే పాత్రలో నూనె వేసి వేడి చేయాలి. నూనె వేడెక్కిన తర్వాత శనగపప్పు వేసి దోరగా వేగనివ్వాలి.

శనగపప్పు వేగిన తర్వాత పుట్నాల పప్పు వేయాలి. ఆ తర్వాత ఆవాలు, జీలకర్ర, పచ్చిమిర్చి చీలికలు, ఎండు మిర్చి, వెల్లుల్లి రెబ్బలు వేసి బాగా వేయించాలి. తర్వాత కరివేపాకు, పసుపు, కారం, ఉప్పు వేసి, వేయించిన అటుకులను కూడా జోడించి బాగా కలపాలి.

చివరగా వెల్లుల్లి తురుము చల్లి, 2-3 నిమిషాల పాటు కలుపుతూ వేయించాలి.రుచికరమైన అటుకుల చుడువా సిద్ధం! దీన్ని సాయంత్రం స్నాక్‌గా ఆస్వాదించవచ్చు.
ఈ చుడువా రుచిగా ఉండడమే కాక, తేలికగా తయారు చేయడానికి కూడా సులభం.