Crispy Egg French Fries Recipe :గుడ్డుతో కరకరలాడే “ఎగ్ ఫ్రెంచ్ ఫ్రైస్” – సులభంగా తయారు చేసుకోవచ్చు!
Crispy Egg French Fries Recipe :గుడ్డుతో కరకరలాడే “ఎగ్ ఫ్రెంచ్ ఫ్రైస్” – సులభంగా తయారు చేసుకోవచ్చు.. నోరూరించే రుచి – పిల్లలు ఒక్కటి కూడా మిగల్చరు..పిల్లల నుంచి పెద్దల వరకు అందరూ ఇష్టపడే చిరుతిండిలో “ఫ్రెంచ్ ఫ్రైస్” ఒకటి. కరకరలాడే, కమ్మని రుచితో ఎన్ని తిన్నా ఇంకా తినాలనిపిస్తుంది. సాధారణంగా చాలా మంది అమ్మలు ఆలూతో ఈ ఫ్రెంచ్ ఫ్రైస్ను తయారు చేస్తారు.
కానీ, ఈసారి కాస్త భిన్నంగా ట్రై చేయాలనుకుంటున్నారా? అయితే, మీ కోసం ఈ స్పెషల్ “ఎగ్ ఫ్రెంచ్ ఫ్రైస్” రెసిపీ! ఆలూ, గుడ్డు కలిపి తయారు చేసే ఈ ఫ్రైస్ అద్భుతమైన రుచితో పాటు త్వరగా, తక్కువ పదార్థాలతో సిద్ధమవుతాయి. ఈ రుచికరమైన ఎగ్ ఫ్రెంచ్ ఫ్రైస్ తయారీకి కావాల్సిన పదార్థాలు, విధానం ఇప్పుడు తెలుసుకుందాం.
కావాల్సిన పదార్థాలు:
కోడిగుడ్లు – 4
మీడియం సైజ్ బంగాళదుంపలు – 3
రుచికి సరిపడా ఉప్పు
కొద్దిగా గరం మసాలా
రుచికి తగినంత కారం
చిల్లీ ఫ్లేక్స్ – 2 టేబుల్ స్పూన్లు
నూనె – డీప్ ఫ్రైకి సరిపడా
బ్రెడ్ క్రంబ్స్ – కొద్దిగా
తయారీ విధానం:
ముందుగా బంగాళదుంపలను పీలర్తో చెక్కు తీసి, శుభ్రంగా కడగాలి.వాటిని ఫ్రెంచ్ ఫ్రైస్ ఆకారంలో సన్నగా, పొడవుగా కట్ చేసుకోవాలి.కట్ చేసిన ముక్కలను ఒక గిన్నెలో వేసి, తగినన్ని నీళ్లు పోసి స్టవ్పై సగం ఉడకనివ్వాలి.ఉడికిన ముక్కలను ఉప్పు నీళ్లలో ఒక గంట పాటు నాననివ్వాలి. ఇలా చేయడం వల్ల ఫ్రైస్ క్రిస్పీగా, క్రంచీగా వస్తాయి మరియు గుడ్డు కోటింగ్ మాడిపోకుండా ఉంటుంది.
ఒక చిన్న గిన్నెలో కోడిగుడ్లను పగలగొట్టి, కొద్దిగా ఉప్పు వేసి బాగా కలపాలి.ఒక ప్లేట్లో బ్రెడ్ క్రంబ్స్ను సిద్ధంగా ఉంచుకోవాలి.గంట తర్వాత, ఉప్పు నీటిలో నానిన బంగాళదుంప ముక్కలను ఒక ప్లేట్లోకి తీసుకొని, వాటిపై గరం మసాలా, కొద్దిగా ఉప్పు, కారం, చిల్లీ ఫ్లేక్స్ చల్లాలి.ఆలూ ముక్కలు ఉప్పు నీటిలో నానాయి కాబట్టి, ఉప్పు చల్లేటప్పుడు జాగ్రత్తగా తక్కువగా వేయాలి.
స్టవ్పై కడాయి పెట్టి, డీప్ ఫ్రైకి సరిపడా నూనె పోసి వేడి చేయాలి.నూనె వేడెక్కే సమయంలో, మసాలా చల్లిన ఆలూ ముక్కలను ముందుగా గుడ్డు మిశ్రమంలో ముంచి, ఆ తర్వాత బ్రెడ్ క్రంబ్స్తో చక్కగా కోట్ చేయాలి.కోట్ చేసిన ముక్కలను వేడి నూనెలో నెమ్మదిగా వేసి, మీడియం ఫ్లేమ్లో ఎర్రగా, క్రిస్పీగా వేగే వరకు ఫ్రై చేయాలి.
వేగిన ఫ్రైస్ను టిష్యూ పేపర్ పరిచిన ప్లేట్లోకి తీసి, అదనపు నూనె తొలగేలా కాసేపు ఉంచాలి.ఆ తర్వాత, వేడివేడిగా టమాటా సాస్తో సర్వ్ చేస్తే, నోరూరించే “ఎగ్ ఫ్రెంచ్ ఫ్రైస్” సిద్ధం.. ఈ కమ్మని, క్రిస్పీ ఎగ్ ఫ్రెంచ్ ఫ్రైస్ను పిల్లలు, పెద్దలు ఇష్టంగా తినేస్తారు. ఇంకెందుకు ఆలస్యం? ఈ రెసిపీని ట్రై చేసి, మీ కుటుంబాన్ని ఆనందింపజేయండి!